اسلام آباد۔12جون(اے پی پی):وفاقی حکومت توانائی دے شعبے دی بہتری کیتے ترجیحی اقدامات کیتن،اڄوکے مالی سال بجلی چوری دے خلاف مہم اچ 50 ارب روپے دی بچت تھئی اے۔ قومی اسمبلی اچ آندے مالی سال 2024-25 دی بجٹ تقریر کریندے انہاں آکھیا جو حکومت توانائی دے شعبے کوں گردشی قرض ڳھٹاوݨ کیتے ترجیحی اقدامات کیتن جیندے نال اڄوکا مالی سال مکݨ تے کوئی گردشی قرضہ نا ودھسی، آندے مالی سال …
وفاقی حکومت توانائی دے شعبے دی بہتری کیتے ترجیحی اقدامات کیتن، وفاقی وزیر خزانہ
اسلام آباد۔12جون(اے پی پی):وفاقی حکومت توانائی دے شعبے دی بہتری کیتے ترجیحی اقدامات کیتن،اڄوکے مالی سال بجلی چوری دے خلاف مہم اچ 50 ارب روپے دی بچت تھئی اے۔ قومی اسمبلی اچ آندے مالی سال 2024-25 دی بجٹ تقریر کریندے انہاں آکھیا جو حکومت توانائی دے شعبے کوں گردشی قرض ڳھٹاوݨ کیتے ترجیحی اقدامات کیتن جیندے نال اڄوکا مالی سال مکݨ تے کوئی گردشی قرضہ نا ودھسی، آندے مالی سال کیتے بجلی چوری روکݨ اچ بہتری آسی ایں سانڳے کڄھ اصلاحات کیتن جیندے اچ نقصانات ڳھٹاوݨ کیتے ٹرانسمیشن اینڈ ڈسٹری بیوشن اچ بہتری، نیشنل ٹرانسمیشن اتے ڈسپیج کمپنی (این ٹی ڈی سی) دی تنظیم نو، 9 ڈسکوز اتے جنکوز دی نجکاری دا منصوبہ، بجلی چوری دے خلاف مہم، بجلی دی پیدوار ودھاوݨ کیتے درآمدی فیول دی بجائے قابل تجدید توانائی، ونڈ، سولر اتے ہائیڈل پاور جنریشن دو منتقل کرݨ ترجیح اے۔
