ڈیجیٹل میڈیا پلیٹ فارمز کیتے قانون سازی اچ صحافتی تنظیماں تے فریقین دی صلاح ہوسی، کوشش ہوسی جو صحافیاں دے حقوق دے ضامن ٻݨوں، عطاء اللہ تارڑ

اسلام آباد۔14جون(اے پی پی)وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو فیک نیوز مکاوݨ کیتے ساریاں کوں کردار ادا کرݨا ہوسی، ڈیجیٹل میڈیا پلیٹ فارمز کیتے قانون سازی اچ صحافتی تنظیماں تے فریقین دی صلاح ہوسی، کوشش ہوسی جو صحافیاں دے حقوق دے ضامن ٻݨوں۔ اے ڳالھ انہاں اسلام آباد اچ نیشنل پریس کلب دی تقریب نال خطاب اچ آکھی۔ انہان آکھیا جو حکومت صحافیوں دی فلاح و بہبود کیتے کردار ادا کریندی پئی اے، وزارت اطلاعات دا منصب ملݨ دے بعد صحافیاں اتے میڈیا ورکرز دے واجبات ݙیواوݨ کیتے وݙی کوشش کیتی اے، کوشش ہوسی جو صحافیاں اتے میڈیا ورکرز کوں واجبات دے چیک آئی ٹی این ای دے پلیٹ فارم دی بجائے میڈیا ہائوسز دے دفتر توں ونڈیے ونڄن، صحافیاں کیتے ہیلتھ انشورنس سکیم ول بحال کر ݙتی ڳئی اے، پہلے مرحلے اچ 5 ہزار اتے ݙوڄھے مرحلے اچ 10 ہزار صحافیاں اتے ورکرز دی ہیلتھ انشورنس کیتی ویسی، دوران سروس غیر فطری فوتڳی تے مالی معاونت کوں ہیلتھ انشورنس اچ شامل کیتا ویندا پئے، وفاقی سطح تے میڈیا اداراں کوں گرانٹ ݙیوݨ کیتے سمری تے دستخط کیتن۔ انہاں آکھیا جو سوشل میڈیا پلیٹ فارمز دے درست استعمال، ڈس انفارمیشن اتے فیک نیوز مکاوݨ کیتے کٹھیان کوششاں کرݨیاں ہوسن۔