گلگت بلتستان، کشمیر، اُتلے خیبرپختونخوا، جنوبی پنجاب اتے شمال مشرقی/جنوبی بلوچستان اچ کجھ جہیں تے اندھاری گھلݨ تے کھمݨ نال مینھ وسݨ دا امکان ، محکمہ موسمیات

اسلام آباد۔15جون (اے پی پی) گلگت بلتستان، کشمیر، اُتلے خیبرپختونخوا، جنوبی پنجاب اتے شمال مشرقی/جنوبی بلوچستان اچ کجھ جہیں تے اندھاری گھلݨ تے کھمݨ نال مینھ وسݨ دا امکان اے۔آندے چووی گھنٹے اچ ملک دے ٻہوں سارے علاقیں اچ موسم گرم تے تتا جݙاں جو وسطی /جنوبی علاقیں اچ تتاں رہݨ دا امکان اے ۔ محکمہ موسمیات موجب گزریل 24 گھنٹے اچ ملک دے ٻہوں سارے علاقیں اچ موسم گرم تے تتا رہیا جݙاں جو وسطی/جنوبی علاقیں اچ ٻہوں تتا رہیا ۔ اُتلے خیبرپختونخوا، کشمیر، گلگت بلتستان اتے جنوبی پنجاب اچ کجھ جہیں تے اندھاری گھلی اتے کھمݨ نال ہلکا مینھ کݨ مݨ وسی ۔ ساریں توں ودھ مینھ دیر بالائی اچ 6، پٹن، گڑھی دوپٹہ 3، بگروٹ تے دیرہ غازی خان اچ ھک ملی میٹر مینھ ریکارڈ کیتا ڳئے ہفتے کوں ریکارڈ کیتے ڳئے ودھ توں ودھ درجہ حرارت دی رپورٹ موجب بھکر، سبی اچ درجہ حرارت 48، نور پور تھل47، گوجرانولہ46، حافظ آباد، جیکب آباد، جہلم، جوہر آباد، سرگودھا، ڈی جی خان، لیہ، قصور، منڈی بہاؤالدین، نارووال اتے اوکاڑہ اچ 45 ڈگری سینٹی ریکارڈ کیتا ڳئے۔