حکومت وکلا دی فلاح و بہبود سانڳے انقلابی اقدامات چیندی پئی اے،بار نال دل دا رشتہ اے، وفاقی وزیر قانون اعظم نذیر تارڑ

لاہور۔15جون (اے پی پی):وفاقی وزیر قانون اعظم نذیر تارڑ آکھیے حکومت وکلا دی فلاح و بہبود سانڳے انقلابی اقدامات چیندی پئی اے،بار نال دل دا رشتہ اے۔ وفاقی حکومت دی امداد دے علاوہ وزیر اعلی پنجاب مریم نواز بار سانڳے ھک ارب روپے گرانٹ دی منظوری ݙتی اے ۔ احتجاج تے وکلا تے مقدمیں بݨاوݨ دے سلسلے کوں ختم کرݙتا ڳئے وکلا ملکی سیاست اچ جتنا حق ادا کیتے او کہیں نی کیتا اٹک واقعہ قابل افسوس، ملزمان قانون دی وٹھ اچ آڳئن “وفاقی حکومت شہدا دے خاندان دی ہر ممکن مالی اتے قانونی معاونت کریسی ۔اے ڳالھ انہاں پنجاب بار کونسل اچ چیک ونڈݨ دی تقریب توں خطاب اچ آکھی اے ۔ وفاقی وزیر قانون آکھیے وکالت ھک معزز پیشہ اتے میݙا بار نال دل دا رشتہ اے’جݙاں میں اتھاں آنداں تاں میکوں آپݨے گھر وانڳوں احساس تھیندے ۔ وزیرا عظم محمد شہباز شریف وکلا برادری دی فلاح وبہبود سانڳے وݙی واضح ہدایات جاری کیتن ،وفاقی حکومت وکلا برادری دی فلاح و بہبود سانڳے انقلابی قدم چیندی پئی اے ۔ انہاں آکھیے وزیراعلی پنجاب مریم نواز شریف ہدایت کیتی اے جو جیڑھیاں تریمتاں اتھاں کم کریندیاں پئن انہاں سانڳے سٹیٹ آف دی آرٹ سہولتاں تے بہترین ماحول ݙتا ونڄے۔