اسلام آباد۔15جون(اے پی پی):وزیر اعظم محمد شہباز شریف اتے سلطنت عمان دے سلطان ہیثم بن طارق امت مسلمہ دی صفاں اچ امن اتے اتحاد سانڳے دعا کیتی ۔ وزیر اعظم آفس میڈیا ونگ توں جاری اعلامیہ موجب وزیر اعظم محمد شہباز شریف اتے سلطنت عمان دے سلطان ہیثم بن طارق دے درمیان ٹیلی فون تے ڳالھ مہاڑ تھئی ۔ ݙوہیں رہنماواں عید الاضحیٰ دے پرمسرت موقع تے مبارخ تے نیک …
وزیر اعظم شہباز شریف اتے سلطنت عمان دے سلطان ہیثم بن طارق دی امت مسلمہ دی صفاں اچ امن اتے اتحاد سانڳے دعا
اسلام آباد۔15جون(اے پی پی):وزیر اعظم محمد شہباز شریف اتے سلطنت عمان دے سلطان ہیثم بن طارق امت مسلمہ دی صفاں اچ امن اتے اتحاد سانڳے دعا کیتی ۔ وزیر اعظم آفس میڈیا ونگ توں جاری اعلامیہ موجب وزیر اعظم محمد شہباز شریف اتے سلطنت عمان دے سلطان ہیثم بن طارق دے درمیان ٹیلی فون تے ڳالھ مہاڑ تھئی ۔ ݙوہیں رہنماواں عید الاضحیٰ دے پرمسرت موقع تے مبارخ تے نیک خواہشات تے ڳالھ کیتی ۔وزیر اعظم عمان دے سلطان، حکومت عمان اتے عمان دے عوام کوں عید الاضحیٰ دی دلی مبارخ ݙتی تے عمان دے سلطان اتے عوام دی صحت اتے خوشحالی سانڳے نیک خواہشات دا اظہار کیتے ۔ عمان دے سلطان وی وزیراعظم کوں عید الاضحیٰ دی مبارخ تے نیک خواہشات دا اظہار کیتے۔ ݙوہیں رہنماواں امت مسلمہ دی صفاں اچ امن اتے اتحاد سانڳے دعا وی کیتی۔ ڳالھ مہاڑ اچ ݙوہیں رہنماواں پاکستان اتے عمان وچال دوستی اتے بھرپی دے تکڑے رشتے دا اعادہ کیتے جیڑھا جو مشترکہ اقدارتے سانجھے احترام تے مبنی اے ۔ ݙوہیں رہنماواں علاقائی صورتحال بالخصوص فلسطین دی صورتحال تے ڳالھ کیتی تے خطے اچ اینکوں عالمی امن، استحکام اتے خوشحالی دے ودھارے سانڳے رلے کم جاری رکھݨ تے اتفاق کیتے ۔ وزیراعظم عمان دے سلطان کوں وختی پاکستان دا سرکاری دورہ کرݨ دی دعوت ݙتی۔
