عید الاضحی ایثار، قربانی، محبت تے رواداری دا درس ݙیندی اے ، سپیکر تے ڈپٹی سپیکر قومی اسمبلی دا پیغام ،حج اتے عید دی مبارخ

اسلام آباد۔16جون (اے پی پی):سپیکر قومی اسمبلی سردار ایاز صادق عید الاضحٰی دے موقع تے عازمین حج، پوری قوم اتے امت مسلمہ کوں حج اتے عید الاضحٰی دی مبارخ ݙیندے ہوئیں آکھیے جو عید الاضحٰی اساکوں ایثار، قربانی، محبت اتے رواداری دا درس ݙیندی اے ۔ قومی اسمبلی سیکرٹریٹ ،ڈائریکٹوریٹ جنرل آف میڈیا توں جاری بیان موجب سپیکر آکھیے عید الضحی اساکوں حضرت ابراہیم علیہ السلام دی عظیم قربانی دی یاد ݙویندی اے جنہاں اللّه تعالیٰ دی رضا اتے خوشنودی دی خاطر اپݨے پیارے پتر حضرت اسماعیل علیہ السلام کوں قربان کرݨ دا ارادہ کیتا۔ اے ڳالھ انہاں عید الاضحٰی دے پر مسرت موقع تے آپݨے پیغام اچ آکھی اے جیڑھی صبحائیں پاکستان اچ منائی ویسی ۔ایں موقع تے ڈپٹی سپیکر آکھیے ملک کوں ترقی دے رستے ٹورݨ سانڳے حضرت ابراھیم علیہ السلام جیہا جذبہ ایثار پیدا کرݨ دی لوڑھ اے ۔عید الضحی اساکوں ایں ڳالھ دا درس ݙیندی اے جو دین اسلام اتے اپݨے ملک دی خاطر کہیں وی قربانی توں پچھوں نی ہٹݨا چاہیدا۔