غیر ملکی شہریاں سانڳے انڄ فورس بݨائی ویندی پئی اے کہیں سازش کوں کامیاب نہ تھیوݨ ݙیسوں،وفاقی وزیرداخلہ محسن نقوی

اسلام آباد۔16جون(اے پی پی):وفاقی وزیرداخلہ محسن نقوی آکھیے وفاقی دارالحکومت اچ غیر ملکی شہریاں سانڳے ھک انڄ فورس (ایس پی یو)بݨائی ویندی پئی اے پاکستان تے چین دی لازوال دوستی اچ کوئی دراڑ نی پا سڳدا ، ایجھی کہیں سازش کوں ہر گز کامیاب نا تھیوݨ ݙیسوں ۔ وزارت داخلہ توں اتوار کوں جاری اعلامیہ موجب وفاقی وزیرداخلہ محسن نقوی دی چینی سفارت خانے آمد تے چین دے سفیر جیانگ زی ڈونگ وفاقی وزیرداخلہ دا خیر مقدم کیتا۔وفاقی وزیرداخلہ محسن نقوی چینی سفیر جیانگ زی ڈونگ نال ملاقات کیتی ایں موقع تے وزیراعظم محمد شہباز شریف دے اڄوکے دورہ چین اتے پاک چین تعلقات دے ودھارے اتے چینی شہریاں دی سکیورٹی سانڳے اقدامات تے تفصیلی ڳالھ مہاڑ کیتی ۔ وزیرداخلہ محسن نقوی آکھیے وزیراعظم دے دورہ چین نال دوستی دا رشتہ مضبوط تھئے ، چین دے صدر۔ وزیراعظم اتے اعلی قیادت ہمیشہ پاکستان دا بھرپور ساتھ ݙتے۔وفاقی وزیرداخلہ محسن نقوی اسلام آباد سودھے پورے ملک اچ چینی شہریاں دی حفاظت سانڳے اقدامات دا ݙسائے تے سی پیک سودھے ٻئے منصوبیں تے کم کرݨ آلے چینی انجینئرز اتے عملے دے سکیورٹی پلان تے بریف کیتے۔چینی سفیر سکیورٹی انتظامات تے اطمینان دا اظہارکیتے۔