لاہور۔16جون(اے پی پی):وزیراعظم محمد شہبازشریف اتے آذربائیجان دے صدر الہام علی یوف دی ٹیلی فون تے ڳالھ مہاڑ تھئی ݙوہیں رہنماواں عید دی ھک ݙوجھے کوں مبارخ ݙتی تے ایں پرمسرت موقع تے ݙوہیں ملکاں دے عوام سانڳے آپݨی آپݨی نیک تمناواں دا اظہار کیتے۔ انہاں امت مسلمہ دے اتحاد، امن اتے خوشحالی سانڳے دعا کیتی ۔ وزیراعظم ہاؤس توں جاری بیان موجب ٹیلی فون تے ڳالھ مہاڑ اچ ݙوہیں …
وزیراعظم شہباز شریف تے آذربائیجان دے صدر دا ٹیلی فونک رابطہ، عید مبارخ دا تبادلہ
لاہور۔16جون(اے پی پی):وزیراعظم محمد شہبازشریف اتے آذربائیجان دے صدر الہام علی یوف دی ٹیلی فون تے ڳالھ مہاڑ تھئی ݙوہیں رہنماواں عید دی ھک ݙوجھے کوں مبارخ ݙتی تے ایں پرمسرت موقع تے ݙوہیں ملکاں دے عوام سانڳے آپݨی آپݨی نیک تمناواں دا اظہار کیتے۔ انہاں امت مسلمہ دے اتحاد، امن اتے خوشحالی سانڳے دعا کیتی ۔ وزیراعظم ہاؤس توں جاری بیان موجب ٹیلی فون تے ڳالھ مہاڑ اچ ݙوہیں رہنماواں ݙو پاسے تعلقات بالخصوص تجارت، دفاع اتے توانائی دے شعبے اچ اڄوکی پیشرفت دا جائزہ ڳھدا ۔ ݙوہیں رہنماواں ݙوطرفہ تعلقات دی مثبت رفتار تے اطمینان کیتے تے ݙوہیں ملکاں وچال تعلقات کوں مزید تکڑا بݨاوݨ سانڳے کم جاری رکھݨ تے اتفاق کیتے ۔ وزیر اعظم محمد شہباز شریف باکواچ تھیوݨ آلی اقوام متحدہ کانفرنس آف پارٹیز’’کوپ 29‘‘ دی میزبانی تے صدر آذربائیجان کوں مبارخ ݙتی تے ایں کانفرنس اچ شرکت دی ذاتی دعوت ݙیوݨ تے صدر علی یوف دا شکریہ ادا کیتے۔وزیراعظم صدر علییوف کوں پاکستان دا سرکاری دورہ کرݨ دی دعوت ݙتی جیں تے صدر علی یوف آکھیے او وختی پاکستان دا دورہ کریسن۔
