عیدالاضحیٰ دا ݙینھ حضرت ابراہیم ؑ اتے حضرت اسماعیل ؑ دی عظیم قربانی دی یاد ݙویندے، صدر ِمملکت آصف علی زرداری

اسلام آباد۔17جون(اے پی پی)صدر ِمملکت آصف علی زرداری آکھیے جو عیدالاضحیٰ دا ݙینھ حضرت ابراہیم ؑ اتے حضرت اسماعیل ؑ دی عظیم قربانی دی یاد ݙویندے، اللہ تعالیٰ قربانی کوں امتِ محمدیہ ﷺ تے لازم قرار ݙتے۔ عید الاضحیٰ تے اپݨے سنیہے اچ صدرمملکت آکھیے جو خوشی دے ایں وموقع تے انہان قوم کوں مبارک فیندے آکھیا جو نبی کریم ﷺ فرمائے جو اللہ تعالی سب توں عظیم ݙینھ قربانی دے ݙینھ کوں سمڄھدن، آزمائش اتے امتحان اچ ثابت قدم رہݨا چاہیدے، اللہ تعالیٰ دی اطاعت اتے فرمانبرداری ہی کامیابی دی کنجی اے، قربانی دی اصل روح کوں سمجھ تے عملی زندگی اچ ایثار و قربانی ݙکھاوݨی چاہیدی اے، دعا اے جو اے بابرکت موقع عالم اسلام اتے پاکستان کیتے رحمتاں اتے خوشیاں ڳھن آوے۔