معاشی بحالی کیتے آمدن اتے محصولات ودھاوݨ، خرچے ڳھٹاوݨ ترجیح اے، وفاقی وزیر خزانہ اورنگزیب دی پریس کانفرنس

فیصل آباد۔18جون(اے پی پی):وفاقی وزیر خزانہ سینیٹر محمد اورنگزیب ملکی معیشت کوں پائیدار بنیاداں تے مستحکم کرݨ دی جامع کوششاں سانڳے اخراجات ڳھٹاوݨ اتے محصولات ودھاوݨ دا حکومتی عزم دوہرائے، کمالیہ اچ پریس کانفرنس کریندے انہاں آکھیا جو حکومت حکومت او متوازی وزارتاں اتے محکمے بند کریسی ڄیڑھے پہلے ہی صوبیاں کوں مل چکین، ایندے نال کارکردگی ودھسی اتے خرچے ڳھٹسن، ایں سانڳے وزیر اعظم پاکستان پبلک ورکس ڈیپارٹمنٹ بند کرݨ دا اعلان کر چکین، حکومت نقصان اچ انڄݨ آلے سرکاری ملکیتی اداراں دی نجکاری کریسی، کراچی اتے لاہور ایئرپورٹ دی آؤٹ سورسنگ اگست تئین مکمل تھی ویسی۔ انہاں آکھیا جو اخراجات ڳھٹاوݨ، محصولات ودھاوݨ اتے آمدن کوں ودھاوݨ ترجیح اے جیندے کیتے ودھ توجہ ݙتی ویندی پئی اے، آندے 3 سالاں اچ ٹیکس ٹو جی ڈی پی دا تناسب 9.5 فیصد توں ودھا تے 13 فیصد کرݨ دی کوشش اے، ایں سانڳے ٹیکس نیٹ کوں ودھایا ویسی۔