حاجیاں دی وطن واپسی سانڳے پوسٹ حج پروازاں دا آپریشن شروع تھی ڳئے ، ترجمان وزات مذہبی امور

اسلام آباد۔20جون(اے پی پی) حاجیاں دی کرام دی وطن واپسی سانڳے پوسٹ حج پروازاں دا آپریشن شروع تھی ڳئے ۔ وزات مذہبی امور دے ترجمان موجب خمیس 20 جون کوں 4 مختلف شہراں اچ 7 مختلف حج پروازاں دے ذریعے 1200 حاجی وطن پڄسن ۔جدہ توں ملتان 150 حاجیاں سانڳے پہلی حج پروازPF723 ݙینھ ساڈھے بارہ وڄے پڄسی ۔ لاہور اچ 190 حاجیاں کوں گھن تے PA471 ݙینھ 2:15 وڄے لہسی ۔کراچی اچ180 حاجیاں نال پہلی حج پرواز PA173 ݙینھ2 وڄ تے 35 منٹ تے لہسی ۔ اسلام آباد اچ 200 مسافراں نال پہلی حج پروازPA273 ݙینھ 3 وڄ تے 20 منٹ تے لہسی ۔ ملتان اچ 180 مسافراں کوں گھن تے ݙوجھی حج پروازPA873 اڄ ݙینھ 3 وڄ تے 35 منٹ تے لہسی ۔ اسلام آباد اچ 150 مسافراں کوں گھن تے ݙوجھی حج پروازPF719 شام 6 وڄے پڄسی ۔لاہور اچ 150 مسافر گھن تے ݙوجھی حج پرواز PF721 شام 7 وڄے پڄ ویسی ۔ فریضہ حج دی ادائیگی دے بعد720حاجی روضہ رسول ﷺ تے حاضری سانڳے اڄ مدینہ ہ منورہ روانہ کیتے ویسن ۔جدہ توں حاجیاں دی وطن واپسی سانڳے حج فلائٹ آپریشن 9 جولائی تئیں جاری رہسی ۔مدینہ منورہ توں چھیکڑی حج پرواز 21 جولائی کوں وطن واپس پڄ ویسی ۔70 ہزار سرکاری عازمین حج دی وطن واپسی 21 جولائی کوں مکمل تھیسی۔