اسلام آباد۔21جون(اے پی پی):سپیکر قومی اسمبلی سردار ایاز صادق آکھیے جو سی پیک منصوبہ ساݙی سماجی و اقتصادی ترقی اچ چنڳاں کردار ادا کیتے ، پاکستان دیاں ساریاں سیاسی جماعتاں ایں ’’گیم چینجر‘‘ منصوبے دی مکمل حمایت کریندن ،ست ݙھاکیں توں ودھ تے محیط چین اتے پاکستان دے مضبوط تعلقات دنیا سانڳے ھک مثال اے ۔ آپݨے بیان اچ سپیکر قومی سردار ایاز صادق سی پیک دے حوالے نال سیاسی …
سی پیک منصوبہ ساݙی سماجی و اقتصادی ترقی اچ چنڳاں کردار نبھائے،سپیکر قومی اسمبلی سردار ایاز صادق
مزید خبراں
اسلام آباد۔21جون(اے پی پی):سپیکر قومی اسمبلی سردار ایاز صادق آکھیے جو سی پیک منصوبہ ساݙی سماجی و اقتصادی ترقی اچ چنڳاں کردار ادا کیتے ، پاکستان دیاں ساریاں سیاسی جماعتاں ایں ’’گیم چینجر‘‘ منصوبے دی مکمل حمایت کریندن ،ست ݙھاکیں توں ودھ تے محیط چین اتے پاکستان دے مضبوط تعلقات دنیا سانڳے ھک مثال اے ۔ آپݨے بیان اچ سپیکر قومی سردار ایاز صادق سی پیک دے حوالے نال سیاسی جماعتاں تے مشتمل تریجھے پاک۔چین مشترکہ مشاورتی اجلاس اچ شرکت کیتی۔ایں موقع تے سپیکر قومی اسمبلی اجلاس دے شرکا توں خطاب کریندے ہوئیں آکھیے جو ایں اہم اجلاس اچ شرکت تے پارلیمنٹ دی نمائندگی میں سانڳے اعزاز اے ۔ میں نائب وزیر اعظم و وزیر خارجہ سینٹر اسحاق ڈار دا شکر گزار ہاں انہاں میکوں ایں اہم مشاورتی اجلاس اچ سݙیے ۔پاکستان دی پارلیمان سی پیک منصوبے دی ہمیشہ مکمل حمایت کیتی اے ۔سپیکر قومی اسمبلی آکھیے سی پیک منصوبہ ساݙی سماجی و اقتصادی ترقی اچ چنڳاں کردار ادا کیتے ۔سردار ایاز صادق آکھیے پاکستان اتے چین خطے اچ امن تے خوشحالی دے داعی ہن ݙوہیں ملک خطے اچ انتشار تے بدامنی دے خلاف ھکو سواں موقف رکھیندن ،صدر شی جن پنگ دا 2015 اچ پاکستان دا تاریخی دورہ ایں خطے دی ترقی سانڳے اہم سنگ میل ہئی ۔سپیکر قومی اسمبلی آکھیے چینی صدر دے دورے تے 46 بلین ڈالر سرمایہ کاری دے معاہدیں تے دستخط کیتے ڳئے، بطورسپیکر صدر شی جن پنگ دا پارلیمنٹ اچ استقبال کرݨ باعث اعزاز ہئی ،صدر شی جن پنگ پارلیمنٹ توں تاریخی خطاب کیتا۔
