اسلام آباد۔21جون(اے پی پی):پاکستان دی مرکزی دھارے دی ساریاں سیاسی جماعتاں چین پاکستان اقتصادی راہداری (سی پیک) دی بھرپور حمایت سانڳے مثالی اتفاق رائے دا مظاہرہ کیتے اتے رہنماواں ہر طرح دے مذموم عزائم کوں ناکام بݨیندے ہوئیں پاکستان اتے چین وچال ݙوطرفہ تعلقات کوں مزید تکڑا بݨاوݨ سانڳے آپݨے غیر متزلزل عزم دا اعادہ کیتے۔اے سیاسی اتفاق رائے جمعہ کوں سی پیک پاکستان چائنا پولیٹیکل پارٹیز فورم اتے …
پاکستان دی میزبانی اچ تریجھے پاک چین مشترکہ مشاورتی میکنزم دا اجلاس، سیاسی جماعتاں دا سی پیک دی حمایت تے تکڑے ݙو پاسے تعلقات سانڳے مثالی اتفاق رائے دا مظاہرہ
مزید خبراں
اسلام آباد۔21جون(اے پی پی):پاکستان دی مرکزی دھارے دی ساریاں سیاسی جماعتاں چین پاکستان اقتصادی راہداری (سی پیک) دی بھرپور حمایت سانڳے مثالی اتفاق رائے دا مظاہرہ کیتے اتے رہنماواں ہر طرح دے مذموم عزائم کوں ناکام بݨیندے ہوئیں پاکستان اتے چین وچال ݙوطرفہ تعلقات کوں مزید تکڑا بݨاوݨ سانڳے آپݨے غیر متزلزل عزم دا اعادہ کیتے۔اے سیاسی اتفاق رائے جمعہ کوں سی پیک پاکستان چائنا پولیٹیکل پارٹیز فورم اتے سی پیک پولیٹیکل پارٹیز مشترکہ مشاورتی میکانزم دے تریجھے اجلاس اچ پاتا ڳئے جیں دی مشترکہ صدارت نائب وزیر اعظم تے وزیر خارجہ اسحاق ڈار اتے کمیونسٹ پارٹی آف چائنا دے بین الاقوامی شعبہ دے وزیر اتے کمیونسٹ پارٹی دی مرکزی کمیٹی دے رکن لیو جیان چاو کیتی جیڑھے جو پاکستان دے ترائے ݙینھ دے دورے تے ہن ۔ تقریب اچ چیئرمین سینیٹ سید یوسف رضا گیلانی تے قومی اسمبلی دے اسپیکر سردار ایاز صادق دے نال ساریاں وݙیاں سیاسی جماعتاں دی سینئر قیادت اجلاس اچ شرکت کیتی جیں اچ وزیر منصوبہ بندی و ترقی احسن اقبال، ایم کیو ایم دے خالد مقبول صدیقی، جے یو آئی (ف) دے مولانا فضل الرحمان، پیپلز پارٹی دی حنا ربانی کھر ، پاکستان تحریک انصاف دے سینیٹر سید علی ظفر، استحکام پاکستان پارٹی دی منزہ حسن، نیشنل پارٹی دے سینیٹر جان محمد، سینئر سیاستدان افراسیاب خٹک اتے ٻئے رہنما شامل ہن۔اپݨے ابتدائی کلمات اچ نائب وزیراعظم سینیٹر اسحاق ڈار آکھیے سی پیک پاکستان دی سماجی و اقتصادی ترقی اچ اہم کردار ادا کیتے انہاں آکھیے ملک کوں لوڈ شیڈنگ دے ھک پراݨے مسئلے توں نجات ݙیواوݨ دے علاوہ سی پیک دے تحت ترقیاتی منصوبیں پاکستانی عوام سانڳے روزگار دے لکھاں نویں موقع پیدا کرݨ اچ مدد کیتی جیں کوں پاکستانی عوام کݙاہیں نہ بھلا سڳسن ۔ وزیر اعظم شہباز شریف دے اڄوکے دورہ چین دا ذکر کریندے ہوئیں نائب وزیر اعظم آکھیے ݙوہیں فریقاں سی پیک دے ݙوجھے مرحلے تے عملدرآمد سانڳے اتفاق رائے دا اظہار کیتے اتے منصوبے اچ تریجھے فریق دی شرکت دے طریقہ کار تے دستخط کیتن ۔ چینی وزیر لیو جیان چاؤ اپݨے ریمارکس اچ آکھیے وزیر اعظم شہباز شریف دے “انتہائی کامیاب” دورے دے دوران دستخط کیتے ڳئن معاہدیں ݙوہیں ملکاں کوں مطلوبہ تبدیلیاں گھن آوݨ سانڳے آپݨے تعلقات کوں اپ گریڈ کرݨ دا موقع ݙتے انہاں آکھیے ݙوہیں ملکاں دی قیادت دے عزم دنیا کوں واضح پیغام ݙتے جو چین پاکستان دوستی اٹوٹ اے۔انہاں آکھیے پاکستان دی حکومت پنج اہم شعبیں تے توجہ سانڳے ” فائیو ایز” متعارف کرائے جیڑھا جو مشترکہ منزل دی کمیونٹی کوں ودھارا ݙیوݨ سانڳے ݙوہیں ملکاں دے عام سانڳے رل تے کم کرݨ دا ھک اہم موقع پیش کریندے ۔ انہاں اعلان کیتے آئی ڈی سی پی سی ترائے سالاں اچ 300 پاکستانی پارلیمنٹیرینز کوں چین سݙݨ دے علاوہ پاکستانی نوجواناں کوں اسکالرشپ اتے پیشہ ورانہ تربیت ݙیسی ۔جے سی ایم توں خطاب اچ چیئرمین سینیٹ سید یوسف رضا گیلانی آکھی ساریاں سیاسی جماعتاں سی پیک سانڳے پرعزم ہن کیوں جو اوں صحت، تعلیم، انفارمیشن ٹیکنالوجی اتے ٻئے شعبیں اچ تعاون کوں ودھارا ݙیوݨ دے علاوہ ملک دی بجلی دی مشکلات کوں مکاوݨ اچ آپݨا کردار نبھائے انہاں ݙوہیں فریقاں تے زور ݙتے جو او تعلیم اتے سیاحت دے شعبیں اچ شراکت داری کوں تکڑا کرݨ دے نال نال ھک سرسبز اتے مستحکم مستقبل سانڳے رل تے کم کرن ۔
