توانائی دے متبادل ذرائع  دی ترویج تے توجہ ݙیوݨ دی لوڑھ اے ،تھر کول دی ملک دے ݙوجھے علاقیں تئیں فراہمی  سانڳے ریلوے لائن دے حوالے نال سارے ضروری اقدامات چاتے ونڄن ، وزیراعظم

اسلام آباد۔26جون(اے پی پی):وزیراعظم محمد شہباز شریف آکھیے اساکوں توانائی دے متبادل ذرائع خصوصاً شمسی توانائی دی ترویج تے توجہ ݙیوݨ دی لوڑھ اے ۔ تھر کول دی ملک دے ݙوجھے علاقیں تئیں فراہمی سانڳے ریلوے لائن دے حوالے نال سارے ضروری اقدامات چاتے ونڄن جݙاں جو وزیر اعظم کوں ݙسایا ڳئے جو الیکٹرک بائیکس ،گاݙیاں تے بجلی تے چلݨ آلی گھریلو مصنوعات دے حوالے نال پالیسی تے کم جاری اے مقامی سطح تے تیل تے گیس دی پیداوار اچ ودھارے سانڳے حکمت عملی ترتیب ݙتی ویندی پئی اے ۔ وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت اچ پٹرولیم ڈویژن دے امور تے اہم اجلاس اسلام آباد اچ تھئے ۔اجلاس دے شرکا نال ڳالھ مہاڑ اچ وزیراعظم آکھیے اساکوں متبادل توانائی دے ذرائع خصوصاً شمسی توانائی دی ترویج تے توجہ ݙیوݨ دی لوڑھ اے انہاں آکھیے تھر کول پاکستان دی توانائی دی لوڑھ کوں پورا کرݨ دے حوالے نال ٻہوں اہمیت رکھیندے انہاں آکھیے تھرکو دی گیسی فکیشن دے حوالے نال حکمت عملی بݨاوݨ دی ہدایت کیتی ۔ انہاں اے وی ہدایت کیتی جو تھر کول دی ملک دے ݙوجھے علاقیں تئیں فراہمی سانڳے ریلوے لائن دے حوالے نال سارے ضروری اقدامات چاتے ونڄن ۔اجلاس کوں پٹرولیم اتے گیس دے شعبیں تے پیشرفت تے تجویزاں تے بریفنگ ݙتی ڳئی۔اجلاس اچ وفاقی وزیر پٹرولیم مصدق ملک ، وفاقی وزیر پاور اویس احمد خان لغاری ، وزیراعظم دے کوآرڈینیٹر رانا احسان افضل تے متعلقہ اعلیٰ سرکاری افسراں شرکت کیتی۔