آؤ ملک دی ترقی اتے خوشحالی سانڳے رلے ٻہہ تے ڳالھ کروں ، بانی چیئرمین پی ٹی آئی  کوں جیل اچ مشکلات ہن تاں ݙساون ، وزیراعظم

اسلام آباد۔26جون  (اے پی پی):وزیراعظم محمد شہباز شریف اپوزیشن کوں مفاہمت دی دعوت ݙیندے ہوئیں آکھی ےجو آؤ ملک دی ترقی اتے خوشحالی سانڳے رلے ٻہہ تے ڳالھ کروں ، بانی چیئرمین پی ٹی آئی  کوں جیل اچ مشکلات ہن تاں ݙساون۔ ، کینسر دا مریض ہووݨ دے باوجود میں تاں تاں جیل اچ کائنی رُنا ،اساں نی چاہندے جو زیادتیاں اساں نال تھئن او انہاں نال تھیون ۔ قومی اسمبلی اچ سنی اتحاد کونسل دے رکن علی محمد خان دی طرفوں کابینہ ڈویژن دے مطالبات زر تے کٹوتی دی تحریک تے بحث اچ حصہ گھندے ہوئیں چاتے ڳئے نکتے دا جواب ݙیندے ہوئیں وزیراعظم آکھیےعلی محمد خان دا انھاں دے دل اچ ٻہوں احترام اے ، انھاں نال 2018 دی اسمبلی توں چنڳاں تعلق رہیے، اساں 2018 دے جھرلو انتخابات دے باوجود نہ صرف ایندے نتیجے قبول کیتے بلکہ ایں ایوان اچ وی آئے ، میں بطور اپوزیشن لیڈر اپݨی پہلی تقریر اچ میثاق جمہوریت وانڳوں میثاق معیشت دی پیشکش کیتی تاں ساݙی ایں پیشکش کوں حقارت نال ٹھکرا ݙتا ڳیا ایں ایوان اچ جیڑھے نعرے لاتے ڳئے او ساݙی تاریخ دا ھک سیاہ ترین باب اے۔ انہاں آکھیے اساں سیاسی یا کہیں شعبہ توں تعلق رکھݨ آلے کہیں فرد نال زیادتی دے حق اچ کائنی ، انصاف دا پلڑا بارا رہݨا چاہیدے۔ وزیراعظم آکھیے اوں ویلھے دی اسمبلی اچ ݙوجھے سال وی میں بجٹ تے بحث اچ اپݨی تقریر اچ میثاق معیشت دی پیشکش کیتی جݙاں جو اوں ویلھے ول توہین آمیز نعرے ایں ایوان توں ساݙے خلاف بلند کیتے ڳئے ۔ انہاں آکھیے ایں ایوان کوں ݙیکھݨا چاہیدے جو انہاں تلخیاں دا ذمہ وار کون اے، اڄ 76 سال بعد وی اساں ایجھی جاہ کھڑوں جتھاں ھک ݙوجھے نال ہتھ وی نی ملیندے انہاں آکھیے انہاں ایواناں اچ ماضی اچ  ھک ݙوجھے تے ٻہوں تنقید وی تھیندی ہئی ھک ݙوجھے دی مخالفت وی تھیندی ہئی اساں ایندے باوجود ھک ݙوجھے دے ݙکھ سکھ اچ شریک تھیندے ہاسے۔ انہاں آکھیے جے بانی چیئرمین کوں جیل اچ مشکلات ہن تاں ایں حوالے نال ݙساون انہاں ھک واری ول رلے ٻۃہ تے معاملات طے کرݨ دی پیشکش کریندے ہوئیں آکھیے علی محمد خان اپݨی تقریراچ  ایندا وی ذکر کر ݙیندن جݙاں میݙی والدہ دا انتقال تھیا تاں اوں ویلھے جیل اچ ہم تے او ݙینھ میݙی پیشی ہئی ، میں جیل سپرنٹنڈنٹ توں پیشی توں استثنا  منگیا لیکن او انکار کرݙتا تے آکھیا اساکوں حکم اے انہاں کوں پیش کیتا ونڄے ول میکوں قیدیاں دی گاݙی اچ پیشی تے گھن ڳئے ۔ وزیراعظم آکھیے میں کینسر دے مرض اچ مبتلا ہم میں تاں کݙاہیں ایویں نی رُنا ، جݙاں والدہ دی وفات دے ݙینھ میں عدالت دے سامݨے پیش تھیا ساݙے وکیل وی استثنا منگیا جݙاں جو اوں ویلھے جج صاحب آکھیے گواہ سݙیے ڳئن ہر صورت بیان ریکارڈ تھیسن وزیراعظم آکھیے خواجہ آصف، رانا ثناء اللہ سودھے ٻئے سیاسی قیدیاں کوں زمین تے لٹیا ڳیا ، انڈر ٹرائل قیدیاں تے سزا یافتہ مجرماں دے حقوق اچ فرق ہوندے اساں سارے انڈر ٹرائل قیدی ہاسے اساکوں دوا تے کھاݨے دے اجازت کائنی ہئی اساں چاہندوں جیڑھیاں زیادتیاں اساں نال تھئن او انہاں نال نہ تھیون، ملک کوں اڳوں گھن ونڄن ایندی ترقی تے خوشحالی سانڳے اساں ول دعوت ݙیندوں آؤ رلے ٻہہ تے ڳالھ کروں ایںدے علاوہ کائی چارہ کائنی۔