زراعت حکومت دی ترجیح، زرعی تحقیق و جدید ٹیکنالوجی تے کم تھیندا پئے،وفاقی وزیر رانا تنویر حسین

اسلام آباد۔27جون(اے پی پی):وزارت قومی تحفظ، خوراک و تحقیق دے وفاقی وزیر رانا تنویر حسین آکھیے جو زراعت حکومت دی ترجیح اے، زرعی تحقیق و جدید ٹیکنالوجی تے کم تھیندا پئے، فی ایکڑ پیداوار ودھاوݨ کیتے نیشنل ڈویلپمنٹ ریگولیٹری اتھارٹی ٻݨائی گئی اے، کاشتکاراں کوں خریف فصل تے ٹارگٹڈ سبسڈی ݙتی ویسی، گنے دے کاشتکاراں کوں بقایا جات تیکھے ݙتے ویسن۔ قومی اسمبلی اچ وزارت دے ݙو مطالبات زر تے اپوزیشن دی کٹوتی دی تحریکاں تے بحث سمٹیندے انہاں آکھیا جو اڄ فوڈ سکیورٹی ہک وݙا چیلنج اے، حکومت زراعت تےو دھ توجہ ݙیندی پئی اے جو ایں شعبے دا ملکی معیشت اچ وݙا کردار اے، کساناں دی ٻھلائی دے اقدامات تے کم کیتا ویندا پئے، شفافیت کیتے ہک کابینہ کمیٹی ٻݨائی اے جیندی اڳواݨی وزیر خزانہ کریندے پن، زرعی پیداوار اچ بہتری آسی، ٹرانسفر آف ٹیکنالوجی کیتے چین اتے بیلا روس نال ڳالھ ٹردی پئی اے، فی ایکڑ پیداوار ودھاوݨ اتے زرعی تحقیق تے کم کیتا ویندا پئے۔