بجٹ اچ صحت، تعلیم، زراعت اتے انفارمیشن ٹیکنالوجی  تے ودھ توجہ ݙتی ڳئی اے ، وزیراعظم شہباز شریف

اسلام آباد۔28جون(اے پی پی):وزیراعظم محمد شہباز شریف آکھیے بجٹ اچ صحت، تعلیم، زراعت اتے انفارمیشن ٹیکنالوجی  تے ودھ توجہ ݙتی ڳئی اے۔ اے ممکن کائنی جو غریب ٹیکس ݙیوے تے اشرافیہ کوں ٹیکس مراعات ملن، ترجیحی بنیاداں تے اداریں اچ اصلاحات اتے ملکی خزانے کوں ضیان ݙیوݨ آلے اداریں دی نجکاری کریندے پیوں ۔ وزیراعظم آفس دے میڈیا  ونگ  موجب وزیراعظم  شہباز شریفوزیرِ خزانہ محمد اورنگزیب دی عوام دوست بجٹ  25۔2024  دی منظوری تے تعریف کیتی ۔ وزیرِاعظم نال وزیرِ خزانہ قومی اسمبلی اچ بجٹ دی منظوری دے بعد ملئن۔وزیراعظم امید کیتی اے جو آندے مالی سال دا بجٹ پاکستان کیتے ترقی تے خوشحالی دے نویں رستے کڈھیسی پوری کوشش اے جو موجود وسائل کوں لوکاں کوں ودھ توں ودھ سوکھ ݙتی ونڄے ۔ بجٹ اچ تنخواہ دار طبقے، پنشنرز اتے مزدوراں کوں ریلیف ݙتے، صحت، تعلیم، زراعت اتے انفارمیشن ٹیکنالوجی شعبے دی ترقی تے توجہ ݙتی۔ انہاں آکھیے پاکستان دی ترقی تے خوشحالی دا سفر شروع اے،  الحمد للہ پاکستان دی معیشت سدھے پاسے ٹردی پئی اے حکومت دی کاروبار دوست پالیسیاں پاروں ملک اچ سرمایہ کاراں دا اعتماد ودھیے ۔(