سیکیورٹی فورسز دا لکی مروت اچ آپریشن، 5 دہشت گرد جہنم واصل ، 2 زخمی

راولپنڈی ۔4دسمبر  (اے پی پی) سیکیورٹی فورسز دے ضلع لکی مروت اچ دہشت گرداں دے خلاف کامیاب آپریشن اچ 5 دہشت گرد جہنم واصل ، 2 زخمی تھی ڳئن۔  آئی ایس پی آر موجب سکیورٹی فورسز دہشت گرداں دی  موجودگی دی اطلاع تے ہک انٹیلی جنس بیسڈ آپریشن کیتے۔ آپریشن اچ فورسز خوارج دی ڄاہ کوں نشانہ ٻݨائے، نتیجہ پںڄ خوارج جنہم واصل تھیے۔ علاقے اچ موجود کہیں وی ٻئے خوارج کوں ختم کرݨ کیتے صفائی آپریشن جاری اے۔  آئی ایس پی آر آکھیا جو  پاکستان دی سیکیورٹی فورسز دہشت گردی دے ناسور کوں ملک توں منݙھوں پٹݨ کیتے پرعزم اے۔