لاہور۔7مارچ(اے پی پی) وزیر اطلاعات پنجاب عظمی بخاری آکھیے وزیراعلی مریم نواز صوبے دے صحافیاں دی فلاح و بہبود سانڳے انقلابی اقدامات کریندیاں پئن ، ایں سلسلے اچ جرنلسٹ سپورٹ فنڈ دی رقم ݙوگنا کرتے 5 کروڑ تو ودھا تے 10 کروڑ روپے کرݙتی ڳئی اے ، ایں توں انڄ 23 صحافیاں دیاں دھیریں دی شادی تے 63 صحافیاں دے علاج و معالجے سانڳے فنڈ جاری کرݨ دی مںظوری وی …
وزیراعلی مریم نواز پنجاب دے صحافیاں سانڳے انقلابی وتاریخی اقدامات کریندیاں پئن ،عظمی بخاری
مزید خبراں
لاہور۔7مارچ(اے پی پی) وزیر اطلاعات پنجاب عظمی بخاری آکھیے وزیراعلی مریم نواز صوبے دے صحافیاں دی فلاح و بہبود سانڳے انقلابی اقدامات کریندیاں پئن ، ایں سلسلے اچ جرنلسٹ سپورٹ فنڈ دی رقم ݙوگنا کرتے 5 کروڑ تو ودھا تے 10 کروڑ روپے کرݙتی ڳئی اے ، ایں توں انڄ 23 صحافیاں دیاں دھیریں دی شادی تے 63 صحافیاں دے علاج و معالجے سانڳے فنڈ جاری کرݨ دی مںظوری وی ݙتی ڳئی اے ۔ عظمی بخاری آکھیے وزیراعلی مریم نواز صحافی برادری دے حقوق دے تحفظ سانڳے پرعزم ہن، ٻہوں وختی ہمت و ہیلتھ کارڈز دا اجرا مکمل کرݙتا ویسی تاں جو صحافیاں کوں مزید سہولتاں ݙتیاں ونڄ سڳن ۔وزیر اطلاعات ایں عزم دا اظہار کیتے جو پنجاب حکومت صحافیاں دے مسئلیں دے حل کوں آپݨی اولین ترجیح سمجھدیاں ہن ۔ ایں ضمن اچ جرنلسٹ سپورٹ فنڈ دے حوالے نال اہم اجلاس تھئٖے ،جئیں دی صدارت وزیر اطلاعات پنجاب عظمی بخاری کیتی۔ اجلاس اچ 85 صحافیاں سانڳے سپورٹ فنڈز جاری کرݨ دی منظوری ݙتی ڳئی جݙاں جو فنڈز دی کمی پاروں باقی رہ ونڄݨ آلیاں درخوستاں کوں آندے ترائے مہینے اچ رلایا ویسی ۔ اجلاس اچ ایڈیشنل انفارمیشن سیکرٹری محمد نواز گوندل، ڈپٹی سیکرٹری فنانس رافعہ قیوم، ڈی جی پی آر غلام صغیر شاہد اتے صدر لاہور پریس کلب ارشد انصاری سودھے ٻئے اعلیٰ حکام شریک تھئن۔
