سپریم کورٹ این اے251دے 22پولنگ سٹیشناں تے ول پولنگ دا فیصلہ معطل کرݙِتا

اسلام آباد۔ 15 دسمبر(اے پی پی) سپریم کورٹ قومی اسمبلی دے حلقہ این اے 251دے22پولنگ سٹیشناں تے ول پولنگ دے الیکشن ٹربیونل دے فیصلے کوں معطل کر ݙِتا۔ جسٹس نعیم اختر افغان اَتے جسٹس شہزاد احمد خان تے مشتمل ݙورکنی بنچ کیس دی سماعت کیتی۔عدالت کوں ݙسایا ڳیا جو الیکشن ٹربیونل فارم 45مسنگ ہووݨ دی بنیاد تے انہاں پولنگ سٹیشناں تے ول پولنگ دا حکم ݙِتا ہئی، جیں فیصلے کوں سپریم کورٹ وچ چیلنج کیتا ڳیا۔ سپریم کورٹ22پولنگ سٹیشناں تے ول پولنگ دے خلاف حکمِ امتناع جاری کریندے الیکشن ٹربیونل دے فیصلے کوں معطل کرݙِتا۔