شمالی وزیرستان اچ سکیورٹی فورسز دا انٹیلی جنس بیسڈ آپریشن، 8 خوارج ہلاک، ٹھکاݨے تباہ

راولپنڈی/پشاور۔24ستمبر(اے پی پی) سکیورٹی فورسز خیبرپختونخوا دے ضلع شمالی وزیرستان اچ خفیہ معلومات تے مبنی کامیاب آپریشن کریندے فتنۃ الخوارج دے 8 دہشت گرداں کوں جہنم واصل کر ݙتے۔سکیورٹی ذرائع موجب فورسز دہشت گرداں دی موجودگی دی مصدقہ اطلاع تے موثر کارروائی کیتی، جیندے دوران خوارج دے ٹھکاݨیں کوں مکمل طور تے تباہ کر ݙتا ڳیا۔ ذرائع ݙسایا جو ہلاک دہشت گرداں دے قبضے توں باری مقدار اچ جدید اسلحہ، گولہ بارود تے ٻیا جنگی ساز و سامان برآمد تھئے۔ آپریشن دے دوران خوارج سکیورٹی فورسز دی جوابی کارروائی توں بچݨ کیتے مسیتاں کوں بطور ڈھال استعمال کرݨ دی مذموم کوشش کیتی، تاں جو فورسز مسیتاں دے تقدس تے حرمت کوں ملحوظِ خاطر رکھیندے پیشہ ورانہ مہارت تے حکمت عملی دے نال دہشت گرداں کوں نشانہ بݨایا تے مسیت کوں کہیں وی ضیان توں بچا ڳھدے ۔ سکیورٹی ذرائع دا آکھݨ اے جو سکیورٹی فورسز خیبرپختونخوا تے بالخصوص قبائلی اضلاع توں فتنۃ الخوارج دے دہشت گرداں دے مکمل خاتمے تے خطے اچ امن و استحکام دی بحالی کیتے اپݨے غیر متزلزل عزم تے سختی نال کاربند ہن۔