نیویارک۔24 ستمبر (اے پی پی) نائب وزیراعظم و وزیر خارجہ سینیٹر محمد اسحاق ڈار نیویارک اچ اقوام متحدہ دی جنرل اسمبلی دے 81ویں اجلاس دے موقع تے مالدیپ دی وزیر خارجہ اریتوشام آدم نال ملاقات کیتی۔دفتر خارجہ توں جاری بیان موجب ملاقات اچ ݙوطرفہ تعلقات دا جائزہ ڳھدا ڳیا تے پاکستان تے مالدیپ دے تعلقات اچ مثبت پیشرفت تے اطمینان دا اظہار کیتا ڳیا۔ فریقین اعلیٰ سطح دے مسلسل رابطیں …
نائب وزیراعظم و وزیر خارجہ اسحاق ڈار دی مالدیپ دی وزیر خارجہ اریتوشام آدم نال ملاقات، ݙوطرفہ تعلقات دا جائزہ
نیویارک۔24 ستمبر (اے پی پی) نائب وزیراعظم و وزیر خارجہ سینیٹر محمد اسحاق ڈار نیویارک اچ اقوام متحدہ دی جنرل اسمبلی دے 81ویں اجلاس دے موقع تے مالدیپ دی وزیر خارجہ اریتوشام آدم نال ملاقات کیتی۔دفتر خارجہ توں جاری بیان موجب ملاقات اچ ݙوطرفہ تعلقات دا جائزہ ڳھدا ڳیا تے پاکستان تے مالدیپ دے تعلقات اچ مثبت پیشرفت تے اطمینان دا اظہار کیتا ڳیا۔ فریقین اعلیٰ سطح دے مسلسل رابطیں دی اہمیت تے اتفاق کیتا تے تجارت، رابطیں، اقتصادی تعلقات، کاروبار توں کاروبار رابطیں، تعلیم و تحقیق تے دفاع دے شعبیں اچ تعاون کوں مزید تکڑا بݨاوݨ تے اتفاق کیتا۔ نائب وزیراعظم و وزیر خارجہ محمد اسحاق ڈار تے مالدیپ دی وزیر خارجہ اقوام متحدہ، او آئی سی تے سارک سودھے کثیرالجہتی سطح تے مزید تعاون دی لوڑھ تے وی زور ݙتا تے سانجھی دلچسپی دے امور تے نیڑے تعاون جاری رکھݨ دے عزم دا اعادہ کیتا۔ مالدیپ دی وزیر خارجہ پاکستان نال پراݨے تعلقات کوں مزید تکڑا بݨاوݨ کیتے اپݨے ملک دے عزم دا اعادہ کیتا۔
