نیویارک۔24 ستمبر(اے پی پی) نائب وزیراعظم و وزیر خارجہ سینیٹر محمد اسحاق ڈار تے جرمنی دے وزیر خارجہ یوہان ویڈہول ݙوہیں ملکاں وچال تجارت، سرمایہ کاری، دفاع، تعلیم، ہنرمند افرادی قوت تے عوامی رابطیں دے شعبیاں اچ تعاون ودھاوݨ تے اتفاق کیتے۔دفتر خارجہ توں جاری بیان موجب نائب وزیراعظم و وزیر خارجہ سینیٹر محمد اسحاق ڈار نیویارک اچ اقوام متحدہ دی جنرل اسمبلی دے 81ویں اجلاس دے موقع تے جرمنی …
نائب وزیراعظم محمد اسحاق ڈار دی جرمنی دے وزیر خارجہ نال ملاقات
نیویارک۔24 ستمبر(اے پی پی) نائب وزیراعظم و وزیر خارجہ سینیٹر محمد اسحاق ڈار تے جرمنی دے وزیر خارجہ یوہان ویڈہول ݙوہیں ملکاں وچال تجارت، سرمایہ کاری، دفاع، تعلیم، ہنرمند افرادی قوت تے عوامی رابطیں دے شعبیاں اچ تعاون ودھاوݨ تے اتفاق کیتے۔دفتر خارجہ توں جاری بیان موجب نائب وزیراعظم و وزیر خارجہ سینیٹر محمد اسحاق ڈار نیویارک اچ اقوام متحدہ دی جنرل اسمبلی دے 81ویں اجلاس دے موقع تے جرمنی دے وزیر خارجہ یوہان ویڈہول نال ملاقات کیتی۔ ݙوہیں رہنماواں پاکستان تے جرمنی وچال سفارتی تعلقات دے قیام دی 75ویں سالگنڈھ تے ھک ݙوجھے کوں مبارخ ݙتی تے دوستانہ ݙوطرفہ تعلقات کوں مزید مستحکم کرݨ کیتے اعلیٰ سطحی رابطیں دے تسلسل دی اہمیت دا اعادہ کیتا۔ انہاں بالخصوص تجارت، سرمایہ کاری، اقتصادی تعلقات تے کاروباری سطح تے رابطیں دے شعبیں اچ ݙوطرفہ تعاون کوں مزید وسعت ݙیوݨ دے طریقیں تے ڳالھ کیتی تے دفاع، تعلیم، ہنرمند افرادی قوت تے عوامی رابطیں دے شعبیں اچ تعاون ودھاوݨ تے وی اتفاق کیتا۔ملاقات اچ علاقائی صورتحال تے وی ڳالھ تھئی۔ جرمن وزیر خارجہ مذاکرات تے سفارت کاری دے ذریعے علاقائی امن و استحکام دے ودھارے اچ پاکستان دے تعمیری کردار دی تعریف کیتی۔ انہاں فلسطین دی صورتحال تے وی ڳالھ کیتی جݙاں جو نائب وزیراعظم و وزیر خارجہ جنگ بندی، انسانی امداد دی فراہمی تے ݙو ریاستی حل دی بنیاد تے منصفانہ تے پائیدار حل کیتے عالمی سطح تے مسلسل کوششاں دی اہمیت دا اعادہ کیتا۔ ݙوہیں رہنماواں نیڑے رابطے اچ رہݨ تے اتفاق کیتا۔
