سکیورٹی فورسز دا ضلع قلات اچ آپریشن، فتنہ الہندوستان دے 8 دہشت گرد ہلاک

راولپنڈی۔ 25 دسمبر(اے پی پی)سکیورٹی فورسز بلوچستان اچ انٹیلی جنس بیسڈ آپریشن اچ بھارتی حمایت یافتہ 8 دہشت گرداں کوں ہلاک کرڈتے۔ پاک فوج دے شعبہ تعلقات عامہ (آئی ایس پی آر) دے مطابق 24 دسمبر کوں سکیورٹی فورسز بلوچستان دے ضلع قلات اچ بھارتی پراکسی ‘فتنہ الہندوستان’ نال جڑیے دہشت گرداں دی موجودگی دی اطلاع تے انٹیلی جنس بیسڈ آپریشن کیتے۔ آئی ایس پی آر دے مطابق آپریشن اچ دہشت گرداں دے ٹھکاݨیاں کوں موثر طریقے نال نشانہ ٻݨایا ڳئے اتے شدید فائرنگ دے تبادلے توں بعد بھارتی سرپرستی اچ سرگرم 8 دہشت گرداں کوں جہنم واصل کر ݙتا گئے۔ ترجمان پاک فوج دے مطابق ہلاک دہشت گرداں دے قبضے توں اسلحہ، گولہ بارود اتے دھماکہ خیز مواد وی ملیے، ہلاک تھیوݨ آلے دہشت گرد کئی دہشت گردانہ کارروائیاں اچ ملوث ہن۔ آئی ایس پی آر موجب علاقے اچ دہشت گرداں کوں ڳولݨ کیتے آپریشن جاری اے، سکیورٹی فورسز ‘عزمِ استحکام’ سوچ دے تحت آپریشن جاری رکھے ہوئن، دہشت گردی دے مکمل خاتمے تئیں آپریشنز بھرپور قوت نال جاری رہسن اتے پوری قوم فوج دے نال کھڑی تھیسی۔