پاکستان سب دا سانجھا اے، سارے شہریاں کوں برابر حقوق حاصل ہین، وزیراعظم شہباز شریف

اسلام آباد۔ 25 دسمبر(اے پی پی) وزیراعظم محمد شہباز شریف مسیحی برادری دی خدمات کوں خراجِ تحسین پیش کریندے آکھیے جو پاکستان سب دا سانجھا اے، سارے شہریاں کوں برابر دے حقوق اتے مذہبی آزادیاں حاصل ہین، کہیں کوں وی مذہب دے ناں تے من مانی کائناں کرݨ ݙیسوں، زیادتی تھیوݨ تے قانون حرکت اچ آیسی۔ وزیراعظم ہاؤس اچ کرسمس دی تقریب نال خطاب کریندے انہاں آکھیا جو حضرت عیسیٰؑ انسانیت کوں ظلم توں نجات ڈوائی اتے امن دا سنیہا عام کیتا۔ وزیراعظم پاک فوج دی قیادت کوں وی سراہیا اتے آکھیا جو ہر شہری کوں اپݨے مذہب تے عمل کرݨ دی مکمل آزادی اے۔) تقریب اچ وزیراعظم مسیحی رہنماواں دے نال مل تے کرسمس دا کیک وی کٹیا۔