سکیورٹی فورسز دا ڈی آئی خان اچ آپریشن، 2 خوارج جہنم واصل

اسلام آباد۔ 25 دسمبر(اے پی پی) کیورٹی فورسز خیبرپختونخوا اچ انٹیلی جنس بیسڈ آپریشن دے دوران بھارتی حمایت یافتہ 2 دہشت گرداں کوں ہلاک کر ݙتے۔ پاک فوج دے شعبہ تعلقات عامہ (آئی ایس پی آر) دے مطابق سکیورٹی فورسز خیبر پختونخوا دے ضلع ڈیرہ اسماعیل خان اچ بھارتی پراکسی ‘فتنہ الہندوستان’ نال جڑیے دہشت گرداں دی موجودگی دی اطلاع تے انٹیلی جنس بیسڈ آپریشن کیتے۔ آئی ایس پی آر دے مطابق آپریشن اچ دہشت گرداں دے ٹھکاݨیان کوں موثر طریقے نال نشانہ ٻݨایا ڳئے اتے شدید فائرنگ دے بعد بھارتی سرپرستی اچ سرگرم خارجی رنگ لیڈر دلاور سودھا 2 دہشت گرداں ہلاک تھئین۔ ترجمان پاک فوج دے مطابق ہلاک دہشت گرداں دے قبضے توں اسلحہ، گولہ بارود اتے دھماکہ خیز مواد وی ملیے۔ ہلاک تھیوݨ آلے دہشت گرد کئی دہشت گردانہ کارروائیاں اچ ملوث ہن۔ آئی ایس پی آر دا آکھݨ اے جو علاقے اچ دہشت گرداں کوں ڳولݨ کیتے آپریشن جاری اے، سکیورٹی فورسز ‘عزمِ استحکام’ سوچ دے تحت آپریشن جاری رکھے ہوئن جیڑھے دہشتگردی منݙھو مکاوݨ تئیں جاری رہسن۔