اسلام آباد۔ 26 دسمبر(اے پی پی)وزیراعظم محمد شہباز شریف آکھیے جو متحدہ عرب امارات دے صدر شیخ محمد بن زاید النہیان نال انہاں دی ملاقات ٻہوں خوشگوار اتے تعمیری رہی اے، پاکستان کوں متحدہ عرب امارات نال اپݨے پراݨے، تکڑے اتے برادرانہ تعلقات تے ݙاݙھا ماݨ اے۔ جمعے کوں سماجی رابطے دی ویب سائٹ "ایکس" تے ہک پوسٹ اچ وزیراعظم آکھیا جو اپݨے عزیز ٻھرا شیخ محمد بن زاید النہیان …
شیخ محمد بن زاید النہیان نال ٻہوں خوشگوار اتے تعمیری ڳالھ مہاڑ تھئی، وزیراعظم شہباز شریف
اسلام آباد۔ 26 دسمبر(اے پی پی)وزیراعظم محمد شہباز شریف آکھیے جو متحدہ عرب امارات دے صدر شیخ محمد بن زاید النہیان نال انہاں دی ملاقات ٻہوں خوشگوار اتے تعمیری رہی اے، پاکستان کوں متحدہ عرب امارات نال اپݨے پراݨے، تکڑے اتے برادرانہ تعلقات تے ݙاݙھا ماݨ اے۔ جمعے کوں سماجی رابطے دی ویب سائٹ “ایکس” تے ہک پوسٹ اچ وزیراعظم آکھیا جو اپݨے عزیز ٻھرا شیخ محمد بن زاید النہیان دا پاکستان دے سرکاری دورے تے استقبال کرݨ وݙے ماݨ اتے خوشی دی ڳالھ ہئی، جئیں نویں سال دی آمد تے خوشیاں کوں ٻیا ودھا ݙتے۔ وزیراعظم دا آکھݨ ہئی جو اساں ݙو پاسہ تعاون دے مختلف شعبیاں توں علاوہ امن اتے خوشحالی کیتے کیتیاں ونڄݨ آلیاں کوششاں تے وی الائے۔ انہاں آکھیا جو پاکستان اتے یو اے ای دے تعلقات شیخ محمد بن زاید دی سرپرستی اچ ٻعے تکڑے تھیندے پئن۔
