ایم ایل-ون کراچی–روہڑی سیکشن تے کم دا آغاز 2026 وچ متوقع اے، احسن اقبال

اسلام آباد۔ 27 دسمبر(اے پی پی) وفاقی وزیر منصوبہ بندی و ترقی پروفیسر احسن اقبال آکھیے جو ایم ایل-ون کراچی–روہڑی سیکشن تے کم دا آغاز 2026 وچ متوقع اے۔ انہاں ہدایت کیتی جو سکھر–حیدرآباد موٹروے کوں ترائے سالاں وچ مکمل کیتا ویسی تے اینکوں ساریں توں زیادہ ترجیحی منصوبہ قرار ݙتا ڳئے۔ پروفیسر احسن اقبال ریلوے، ہائی ویز تے پاݨی دے شعبیں وچ پی ایس ڈی پی منصوبیں دا جائزہ ڳھدا تے متعلقہ وزارتاں کوں کوالٹی تے وقت دی پابندی دی ہدایت کیتی۔ اجلاس وچ ݙسایا ڳیا جو تھر کول ریلوے کنیکٹیویٹی پراجیکٹ جون 2026 تئیں مکمل تھی ویسی۔ وفاقی وزیر این ایچ اے کوں ہدایت کیتی جو قراقرم ہائی وے (کے کے ایچ) فیز 2 دے کم کوں تکھا کیتا ونڄے تاں جو دیامر بھاشا ڈیم دی جھیل پاروں کے کے ایچ کوں کٹ آف تھیوݨ توں بچایا ونڄ سڳے۔