اسلام آباد۔3 جولائی (اے پی پی) وزیرِاعظم محمد شہباز شریف نائب وزیرِاعظم و وزیرِخارجہ سینیٹر محمد اسحاق ڈار، چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر تے پاکستانی وفد دے رلے ایران دے سپریم لیڈر آیت اللہ خامنہ ای شہید دی تجہیز و تکفین دی رسومات اچ شرکت کیتی، اے رسومات تہران دے گرینڈ امام خمینی مصلا اچ ادا کیتیاں ڳئن۔وزیرِاعظم، نائب وزیرِاعظم و …
وزیرِاعظم شہباز شریف دی پاکستانی وفد دے رلے آیت اللہ خامنہ ای شہید دی تجہیز و تکفین دی رسومات اچ شرکت، ایرانی قیادت تے ݙکھی خاندان کوں پرچاوݨی
اسلام آباد۔3 جولائی (اے پی پی) وزیرِاعظم محمد شہباز شریف نائب وزیرِاعظم و وزیرِخارجہ سینیٹر محمد اسحاق ڈار، چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر تے پاکستانی وفد دے رلے ایران دے سپریم لیڈر آیت اللہ خامنہ ای شہید دی تجہیز و تکفین دی رسومات اچ شرکت کیتی، اے رسومات تہران دے گرینڈ امام خمینی مصلا اچ ادا کیتیاں ڳئن۔وزیرِاعظم، نائب وزیرِاعظم و فیلڈ مارشل ایران دے صدر مسعود پزشکیان، ایرانی پارلیمان دے سپیکر قالیباف، وزیرِخارجہ عباس عراقچی تے ایران دے اعلیٰ حکام نال ملاقات کرتے اپݨی تے پاکستانی قوم دی طرفوں شہید آیت اللہ خامنہ ای کوں خراجِ عقیدت پیش کریندیں تعزیت کیتی۔ وزیرِاعظم ایں موقع تے پاکستانی عوام تے حکومت دے پاسوں ایرانی قیادت تے ݙکھی خانداناں کوں پرچاوݨی ݙتی ݙکھے ویلھے بھرا ایرانی قوم دے نال پاکستان دی مکمل یکہجتی دا اعادہ وی کیتا۔ وزیرِاعظم تے پاکستانی وفد شہید آیت اللہ خامنہ ای دے درجات دی بلندی کیتے دعا کیتی۔ سپیکر قومی اسمبلی سردار ایاز صادق، وفاقی وزیرِ اطلاعات و نشریات عطاء اللہ تارڑ، پاکستان پیپلز پارٹی دے چیئرمین بلاول بھٹو زرداری، سیکرٹری جنرل نیئر حسین بخاری، وزیرِاعلیٰ سندھ مراد علی شاہ تے ارکانِ پارلیمان وی وزیرِاعظم دے رَلے ہن۔
