جدہ۔3 جولائی (اے پی پی) وفاقی وزیرِ داخلہ محسن نقوی جدہ اچ مکہ ریجن دے قائم مقام گورنر شہزادہ سعود بن مشعل بن عبدالعزیز نال ملاقات کیتی۔ گورنر جدہ شہزادہ سعود بن عبداللہ بن جلوی، گورنر طائف شہزادہ سعود بن نہار بن سعود تے شاہی خاندان دیاں معزز شخصیات وی ایں موقع تے موجود ہن۔ وفاقی وزیرِ داخلہ محسن نقوی ملاقات دے دوران پاک سعودیہ تاریخی و بھرپی دے تعلقات …
وفاقی وزیرِ داخلہ محسن نقوی دی مکہ ریجن دے قائم مقام گورنر شہزادہ سعود بن مشعل بن عبدالعزیز نال ملاقات
مزید خبراں
جدہ۔3 جولائی (اے پی پی) وفاقی وزیرِ داخلہ محسن نقوی جدہ اچ مکہ ریجن دے قائم مقام گورنر شہزادہ سعود بن مشعل بن عبدالعزیز نال ملاقات کیتی۔ گورنر جدہ شہزادہ سعود بن عبداللہ بن جلوی، گورنر طائف شہزادہ سعود بن نہار بن سعود تے شاہی خاندان دیاں معزز شخصیات وی ایں موقع تے موجود ہن۔ وفاقی وزیرِ داخلہ محسن نقوی ملاقات دے دوران پاک سعودیہ تاریخی و بھرپی دے تعلقات کوں مزید تکڑا بݨاوݨ دے عزم دا اعادہ کیتا۔وزیرِ داخلہ محسن نقوی عمرہ تے حج کیتے بہترین انتظامات تے قائم مقام گورنر مکہ ریجن دا خصوصی طور تے شکریہ ادا کیتا۔ سعودی گورنر وزیرِ داخلہ محسن نقوی نال ملاقات اچ پاکستان دے نال تعلقات کوں اہمیت ݙیوݨ تے ہر ممکن تعاون دا اعادہ کیتا۔ قائم مقام گورنر مکہ ریجن پی سی بی تے سعودی عرب کرکٹ فیڈریشن دے معاہدے کوں خوش آئند قرار ݙتا۔ قائم مقام گورنر جدہ اچ پہلے بین الاقوامی معیار دے سٹیڈیم بݨاوݨ دے فیصلے دی تعریف کیتی ۔ سعودی گورنر اپݨے ریجن اچ سٹیڈیم دی تعمیر کیتے پی سی بی دے نال بھرپور تعاون دا اظہار کیتا۔
