اسلام آباد۔15 اکتوبر (اے پی پی) وفاقی وزیرمذہبی امور و بین المذاہب ہم آہنگی سردار محمد یوسف آکھیے جو صوبہ خیبر پختونخوا اچ گورنر راج تے ایمرجنسی مجبوری اچ لاتی ڳئی، صوبائی حکومت لانگ تے شارٹ مارچ کریندی رہی لیکن عوامی فلاح و بہبود تے کوئی توجہ نہ ݙتی۔ پارلیمنٹ دے مشترکہ اجلاس اچ ڳالھ کریندے وفاقی وزیرِ مذہبی امور آکھیا جو خیبر پختونخوا دے عوام بہادر، جفاکش، محنتی تے …
پی ٹی آئی دی حکومت 13 سال اچ خیبر پختونخوا کوں ماڈل صوبہ بݨا سڳدی ہئی، سردار محمد یوسف
مزید خبراں
اسلام آباد۔15 اکتوبر (اے پی پی) وفاقی وزیرمذہبی امور و بین المذاہب ہم آہنگی سردار محمد یوسف آکھیے جو صوبہ خیبر پختونخوا اچ گورنر راج تے ایمرجنسی مجبوری اچ لاتی ڳئی، صوبائی حکومت لانگ تے شارٹ مارچ کریندی رہی لیکن عوامی فلاح و بہبود تے کوئی توجہ نہ ݙتی۔ پارلیمنٹ دے مشترکہ اجلاس اچ ڳالھ کریندے وفاقی وزیرِ مذہبی امور آکھیا جو خیبر پختونخوا دے عوام بہادر، جفاکش، محنتی تے محبِ وطن ہن۔ اساݙی اجتماعی ذمہ واری اے جو ملکی دفاع تے عوام دی ترقی و خوشحالی کیتے اپݨا کردار ادا کروں۔ انہاں آکھیا جو صوبہ خیبر پختونخوا اچ 2013ء اچ قائم تھیوݨ آلی حکومت دا رویہ تے کارکردگی مایوس کن رہی، صوبے دی فلاح و بہبود کیتے کوئی اقدامات نی کیتے ڳئے، صرف ہک شخص دی خوشامد کیتی ڳئی۔انہاں اپݨی حکومت تے صوبے دے عوام تے خودکش حملہ کیتے۔ نواں پاکستان بݨاوݨ آلے نواں صوبہ تاں نی بݨا سڳے لیکن پراݨے صوبے کوں کھنڈرات اچ بدال ݙتا، انہاں صرف لانگ مارچ تے شارٹ مارچ کیتے، صوبے دے وزیراعلیٰ اپݨے حلف دی پاسداری نی کیتی۔ 13 سال انہاں دی حکومت رہی، او ایں کوں ماڈل صوبہ بݨا سڳدے ہن، انہاں دی ترجیحات مختلف ہن، صوبہ خیبر پختونخوا اچ گورنر راج تے ایمرجنسی مجبوری اچ لاتی ڳئی۔
