پاکستان تے عالمی بینک دا سی پی ایف تے عملدرآمد تکھا کرݨ تے ترقیاتی نتیجے بہتر بݨاوݨ دے عزم دا اعادہ

بنکاک۔15 اکتوبر (اے پی پی) عالمی بینک تے پاکستان بینک دی طرفوں پاکستان کیتے 10 سالہ کنٹری پارٹنرشپ فریم ورک (سی پی ایف) تے عملدرآمد تکھا کرݨ تے ترقیاتی نتیجے کوں بہتر بݨاوݨ دے عزم دا اعادہ کیتے۔وزارتِ اقتصادی امور توں جاری بیان موجب وفاقی وزیراقتصادی امور تے گورنر ورلڈ بینک گروپ احد چیمہ بنکاک اچ عالمی بینک تے آئی ایم ایف دے سالانہ اجلاس دے موقع تے عالمی بینک دی مینیجنگ ڈائریکٹر آپریشنز انا بیئرڈے نال ملاقات کیتی، ملاقات اچ پاکستان دے کنٹری پارٹنرشپ فریم ورک تے عملدرآمد تے ڳالھ کیتی۔وفاقی وزیر احد چیمہ سی پی ایف دے مقصد کوں ٹھوس ترقیاتی نتیجے اچ ڈھالݨ دے حکومتی عزم دا اعادہ کریندے تکنیکی تے مالی معاونت اچ ودھارے، مختلف شعبیں تے مشتمل مربوط پروگراماں تے پیشرفت دی نگرانی و اثرات دی پیمائش کیتے ڈیجیٹل نظام وضع کرݨ تے زور ݙتا۔ انہاں منصوبیں دی بہتر تیاری کیتے مخصوص پراجیکٹ ریڈی نیس سہولتاں، قابلِ پیش گوئی مالی معاونت تے عملدرآمد اچ مؤثر تعاون دی اہمیت کوں اجاگر کیتا تاں جو منصوبیں دی منظوری تے تکمیل دا عمل تکھا تھی سڳے۔منصوبہ بندی تے عملدرآمد اچ نظامی رکاوٹاں کوں دور کرݨ کیتے وزیراعظم دے پورے حکومتی نظام تے مشتمل اقدام دا ذکر کریندے وزیرِ اقتصادی امور ݙوہیں پاسوں عملی کارکردگی بہتر بݨاوݨ، ادارہ جاتی صلاحیت کوں تکڑا کرݨ تے منصوبیں دی وقتی تکمیل تے مشترکہ توجہ ݙیوݨ دی لوڑھ تے زور ݙتا۔ انہاں آکھیا جو رعایتی شرطاں تے دستیاب وسائل کوں مؤثر طور تے بروئے کار گھن آیا ونڄے تان جو قرضیں دے پائیدار انتظام کوں برقرار رکھیندے ترقیاتی فیدے ودھ توں ودھ کیتے ونڄ سڳن۔ملاقات اچ انسانی ترقی، موسمیاتی پائیداریت، پاݨی و صفائی ستھرائی تے معاشی تبدیلی کیتے اہم شعبیں اچ عالمی بینک گروپ دی معاونت تے وی ڳالھ کیتی ۔ وفاقی وزیر روزگار دے زیادہ موقع پیدا کرݨ دی صلاحیت رکھݨ آلے شعبیں اچ سرمایہ کاری کوں اہم قرار ݙتا تاں جو روزگار اچ ودھارا تے جامع ترقی کوں ودھارا ݙتا ونڄ سڳے۔ انہاں ایم ایل ون ریلوے اپ گریڈیشن منصوبے کیتے مزید معاونت تے تقریباً 1,800 کلومیٹر طویل ریلوے لائن دے نال اقتصادی ریلوے کوریڈور دے وژن تے وی ڳالھ کیتی جیندا مقصد رابطہ کاری کوں تکڑا تے معاشی موقعیں کوں وسعت ݙیوݨا اے۔