اسلام آباد۔10ستمبر(اے پی پی)ترجمان وزیر اعظم و معاون خصوصی برائے سیاسی ابلاغ ڈاکٹر شہباز گل آکھیے جو (ن) لیگ الیکشن اصلاحات صرف آپݨے نااہل کوں پارٹی صدارت بخشݨ کیتے کیتن، اے جتنا مرضی رو ڳھنن الیکٹرانک ووٹنگ ضرور تھیسی۔ شاہد خاقان عباسی اتے احسن اقبال کوں ولدا فیندے انہاں آکھیا جو پی ٹی آئی الیکشن اصلاحات شفافیت کیتے کیتن، دھاندلی دا روݨا رووݨ آلے شفاف انتخابات نئین چاہندے کیوں جو اے ہمیشہ دھاندلی نال ہی اقتدار اچ آندے رہین اتے انتخابات اچ جدید ٹیکنالوجی دے خلالف ہین۔ ڈاکٹر شہباز گِل آکھیے جو کڄھ لوک اڄ وی الیکٹرنک مشین دے استعمال توں ݙردن، بھل اے جتنا مرضی روون ملک اچ الیکٹرانک ووٹنگ تھی تے رہسی۔
