اسلام آباد۔10ستمبر(اے پی پی)وفاقی وزیر اطلاعات و نشریات چوہدری فواد حسین آکھیے جو سوشل میڈیا تے فیک نیوز ٻہون وݙا چیلنج اے، پاکستان میڈیا ڈویلپمنٹ اتھارٹی دے مجوزہ بل اچ فیک نیوز اتے میڈیا ورکرز دے حقوق سودھا کہیں وی ترمیم کوں تیار ہیں، حکومت میڈیا دی آزادی تے یقین رکھدی اے، پی ایم ڈی اے بارے چنتے مکائے ویسن، اے ڳالھ انہاں راولپنڈی اسلام آباد یونین آف جرنلسٹس دے وفد نال ملݨ ویلھے آکھی۔ انہاں آکھیا جو میڈیا کوں ڈیل کرݨ آلے سارے قوانین ڈیجیٹل میڈیا دے انقلاب توں پہلے ٻݨین، ملک اچ 7 ریگولیٹری باڈیز میڈیا اداریاں کوں چلیندیاں پین، فیک نیوز پاروں سافا وݙا نقصان تھئے، دہشتگردی دے خلاف جنگ اچ ہزار ہا قربانیاں دے باوجود ساکوں ایف اے ٹی ایف دی گرے لسٹ اچ رکھیا ڳئے، اساں پاکستان میڈیا ڈویلپمنٹ اتھارٹی کیتے 5 ملکآں دے قوانین ݙٹھن، میݙیا ورکز دے حقوق دا وی خیال رکھݨا ہوسی، حکومت صحافیاں دی بھلائی کیتے سارے اقدامات کریسی۔ ملاقات اچ آر آئی یو جے دے وفد میڈیا ورکرز دے حقوق کیتے تعاون دا یقین ݙیوایا۔ وفد اچ صدر آر آئی یو جے شکیل احمد، جنرل سیکریٹری صدیق انظر، نائب صدور منیبہ افتخار، صدر ویمن جرنلسٹس پروٹیکشن فورم فرحت فاطمہ، رانا رضوان، عثمان خان، جوائنٹ سیکریٹریز اظہر شریف، عمر جٹ، شازیہ طاہر، فائنانس سیکریٹری ایاز اکبر، ایگزیکٹو ممبران عثمان مغل، زبیر خان، ناصر عباس، عثمان ملک، سید یاسین ہاشمی موجود ہن۔
