حکومت بابائے قوم دے ترقی پسند اتے جمہوری پاکستان دے خواب کوں پورا کریسی ، وفاقی وزیر اطلاعات چوہدری فواد حسین

APP09-17 ISLAMABAD: August 20 - Federal Minister for Information and Broadcasting, Fawad Chaudhary, assumed his office. APP

اسلام آباد۔11ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو بابائے قوم قائداعظم محمد علی جناح دے وژن دے مطابق روشن، پرامن تے ترقی یافتہ پاکستان ہی اساݙا مقصد اے۔ ہفتے کوں قائداعظم محمد علی جناح دے یوم وفات دے موقع تے آپݨے پیغام اچ چوہدری فواد حسین آکھیے جو بابائے قوم دی قیادت اچ پاکستان ھک خودمختار ریاست بݨ تے ابھریے جیں تے قوم قائداعظم محمد علی جناح کوں خراج عقیدت پیش کریندی اے ۔ چوہدری فواد حسین آکھیے جو قائداعظم محمد علی جناح دی تعلیمات اتے انہاں دے فرمودات دی اہمیت موجودہ دور دے مسئلیں کوں سامݨے رکھیندے ہوئیں مزید اہمیت اختیار کر ڳئی اے۔ بابائے قوم دی دور اندیشی اتے سیاسی بصیرت قوم دی تقدیر بدلݨ کیتے اتحاد، ایمان اتے نظم و ضبط جیہے رہنما اصول وضع کیتے ہن تاں جو سارے مسئلیں دا رل تے مقابلہ کیتا ونڄ سڳے ، انہاں آکھیے جو انشاءاللہ پاکستان تحریک انصاف دی حکومت بابائے قوم دے ترقی پسند اتے جمہوری پاکستان دے خواب کوں پورا کریسی ۔

متعلقہ مضامینمصنف کی طرف سے مزید