کورونا وائرس دے کھنڈݨ کوں روکݨ دے حوالے نال این سی او سی ٹیم ، وزارت اطلاعات، آئی ایس پی آر تے وزارت صحت بہترین کارکردگی ݙکھالی اے ، اسدعمر

اسلام آباد۔21ستمبر (اے پی پی):وفاقی وزیر منصوبہ بندی ترقی واصلاحات وخصوصی اقدامات اسدعمر کورونا وائرس دی وبا دے خلاف حکمت عملی کوں کامیاب بݨاوݨ دے حوالے نال قومی اداریں دی کارکردگی دی تعریف کیتی اے ۔ منڳل کوں آپݨے ٹویٹ اچ انہاں آکھیے جو کورونا وائرس دے کھنڈݨ کوں روکݨ دے حوالے نال این سی او سی دی پوری ٹیم ، وزارت اطلاعات، مسلح افواج دے شعبہ تعلقات عامہ اتے وزارت صحت وݙی محنت کیتی اے تے بہترین کارکردگی دا مظاہرہ کیتے ۔ انہاں مزید آکھیے جو ایں حوالے نال پی ٹی اے اتے پیمرادی بھرپور معاونت وی حاصل رہی اے۔