وزیر خارجہ مخدوم شاہ محمود قریشی 5 ݙینھ دے دورے تے نیویارک پڄ ڳئن

نیویارک۔21ستمبر (اے پی پی):وزیر خارجہ مخدوم شاہ محمود قریشی پنج ݙینھ دے دورے تے نیویارک پڄ ڳئن ، ۔جان ایف کینیڈی ہوائی اݙے تے ، اقوام متحدہ اچ پاکستان دے مستقل مندوب منیر اکرم، امریکا اچ پاکستان دے سفیر اسد مجید اتے پاکستانی سفارت خانے دے اعلیٰ حکام وزیر خارجہ دا خیر مقدم کیتے۔وزیراعظم عمران خان اقوام متحدہ جنرل اسمبلی دے 76ویں اجلاس توں وڈیو خطاب کریسن ۔وزیر خارجہ نیویارک اچ قیام دے دوران، اقوام متحدہ جنرل اسمبلی دے 76ویں اجلاس اچ شرکت دے موقع تے مختلف ملکاں دے وزرائے خارجہ اتے اقوام متحدہ دی قیادت ںال ملاقاتاں کریسن ۔وزیر خارجہ کونسل آن فارن ریلیشنز دی طرفوں منعقدہ تقریب اچ خصوصی ڳال کریسن ۔وزیر اعظم عمران خان دے اقوام متحدہ جنرل اسمبلی دے 76ویں اجلاس توں پالیسی خطاب اتے وزیر خارجہ دے دورہ نیویارک توں پاکستان دی عالمی شراکت داراں اتے بین الاقوامی اداریں دے نال سفارتی رابطے دے ودھارے دی عکاسی تھیندی اے ۔ وزیر خارجہ مخدوم شاہ محمود قریشی نیویارک اچ ” پاکستان ہاؤس” ڳئن جتھاں اقوام متحدہ اچ پاکستان دے مستقل مندوب منیر اکرم اتے سفارتی عملے وزیر خارجہ دا خیر مقدم کیتے ۔وزیر خارجہ “مہماناں دی کتاب ” اچ آپݨے تاثرات قلمبند کیتے۔