نیوزی لینڈ اتے انگلینڈ دے دوریں دی منسوخی توں پی ٹی وی کوں کروڑاں روپے دا ضیان تھئے، وفاقی وزیر اطلاعات و نشریات چوہدری فواد حسین

اسلام آباد۔21ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو نیوزی لینڈ اتے انگلینڈ دے دوریں دی منسوخی توں پی ٹی وی کوں کروڑاں روپے دا ضیان تھئے، ݙوہیں بورڈ دے خلاف قانونی کاروائی کیتے وکلا نال مشورہ کریسوں ۔ منگل کوں آپݨٖ ھک ٹویٹ اچ انہاں آکھیے جو پاکستان دے خلاف ھک مخصوص بین الاقوامی لابی مصروف عمل اے لیکن اساکوں جھکاوݨ دی خواہش رکھݨ آلے کݙاہیں کامیاب نہ تھیسن ، اے غلط فہمی وختی ہٹا گھنن۔