لندن۔27ستمبر (اے پی پی) وزیر خارجہ مخدوم شاہ محمود قریشی آکھیا جو کشمیر دا مسئلہ حل کیتے بغیر جنوبی ایشیا اچ امن نی تھی سڳدا۔ اے ڳالھ انہاں سنوار کوں لندن اچ کشمیر توں تعلق رکھݨ آلے ممتاز برطانوی پاکستانی رہنماؤاں نال ملاقات اچ آکھی۔ وزیرخارجہ مقبوضہ کشمیر اچ جاری انسانی حقوق دی خلاف ورزیاں کوں اجاگر کرݨ اتے کشمیریاں دے جائز حق “حق خود ارادیت” کیتے موثر آواز چاوݨ بارے برطانوی پاکستانیاں دے کردار دی تعریف کیتی اتے مقبوضہ جموں تے کشمیر اچ بھارتی قابض فوج ولوں جاری انسانی حقوق اتے بین الاقوامی قوانین دی سنگین خلاف ورزیاں کوں بارے شرکا کوں ݙسیا۔ وزیر خارجہ مسئلہ کشمیر، کوں اقوام متحدہ سودھے عالمی سطح تے چاوݨ بارے پاکستان دی مسلسل اتے غیر متزلزل کوششاں بارے ݙسیا۔
