اسلام آباد۔28ستمبر (اے پی پی) وفاقی وزیربرائے اطلاعات تے نشریات چوہدری فواد حسین آکھیا جو وزیراعظم عمران خان مقامی حکومتاں دے مضبوط نظام تے یقین رکھیندن، بااختیار بلدیاتی حکومتاں دا نظام پاکستان دے مسئلے دا حل اے، آرٹیکل 140 اے دا نفاذ نہ تھیوݨ ساریاں توں وݙا مسئلہ اے، لوکل گورنمنٹ نظام نہ ہووݨ پاروں صوبیاں دے پیسے برابردی دی بنیاد تے ضلعیاں اچ خرچ نی تھیندے۔ جدید جمہوریت اچ تلوں توں اُتے ݙیکھݨا پمسی۔ اساݙے شہراں اچ بنیادی مسئلہ گورننس دا اے، جݙاں تئیں سوچ کائنا بدلسوں ملک ترقی نی کر سڳدا۔ صوبیاں اچ پروونشل فائنانس کمیشن ایوارڈ نہ ہووݨ پاروں ضلعیاں توں شکایتاں امدن۔ اسلام آباد اچ ٻہہ کراہیں کراچی دے مسئلے حل نی کیتے ونڄ سڳدے۔ اے ڳالھیں انہاں منگل کوں مقامی حکومتاں بارے قومی کانفرنس توں خطاب کریندیں ہوئیں آکھی۔ وزیر اطلاعات آکھیا جو وزیراعظم ایں ڳالھ تے یقین رکھیندن جو مقامی حکومتاں دے مضبوط نظام دے ٻغیر ملک دا نظام ٹھیک نی تھی سڳدا۔
