اسلام آباد۔28ستمبر(اے پی پی)وفاقی وزیر تعلیم و پیشہ وارانہ تربیت شفقت محمود آکھیے جو بلدیاتی انتخابات آندے سال مارچ اتے اپریل اچ تھیسن۔ اے ڳالھ انہاں بلدیاتی حکومت سانڳے قومی کانفرنس نال خطاب اچ آکھی۔ انہاں آکھیا جو جمہوریت مقامی حکومتاں دے بغیر نامکمل اے، آندے بلدیاتی انتخابات کیتے امیدوار ہݨیں نال اپݨی تیاری شروع کر ݙیون، خیبرپختونخوا اچ ساݙی حکومت اینڄھا بلدیاتی نظام ݙتے ڄیں دیہی کونسلاں کوں فنڈز ݙتن۔ انہاں آکھیا جو پچھلے 60، 70 سالاں توں بلدیاتی حکومتاں اچ مختلف نظام ازمائے ڳین، انہاں تے بحث توڑ پڄ ڳئی اے۔ انہاں آکھیا جو بلدیاتی نظام اچ وستیاں اتے تحصیل و ضلع دی سطح تے کونسلز ہوسن۔
