راولپنڈی۔29ستمبر(اے پی پی)روس اچ ’دروزبا سکس‘انسداد دہشتگردی فوجی مشقاں جاری ہین جیندے اچ پاکستان اتے روس دی سپیشل فورسز شریک ہین۔ پاک فوج دے شعبہ تعلقات عامہ (آئی ایس پی آر) ݙسائے جو روس دے شہر کرسنوڈر اچ فوجی مشقاں “دروزبا 6 ” دی افتتاحی تقریب تھئی اے جیندے مہمان خصوصی گریاچی کالوچ دے میئر سرجی بیلوپولسکی ہن۔ تقریب اچ پاکستان اتے روس دے اعلیٰ حکام وی موجود ہن۔ افتتاحی تقریب اچ پاکستان دا قومی ترانہ وڄایا گیا۔ تقریب دے بعد ہتھیاراں اتے آلات دی نمائش تھئی۔ دہشتگردی نال نبڑݨ کیتے تھیوݨ آلیاں اے مشقاں ݙو ہفتے تئیں جاری راہسن۔
