اسلام آباد۔1اکتوبر(اے پی پی)وزیراعظم عمران خان آکھے جو پاکستان دا سب توں ودھ سرمایہ باصلاحیت نینگر ہین، ملک دی ترقی دا انحصار نینگراں دی ترقی تے اے۔ اے ڳالھ انہاں نیشنل یوتھ کونسل دے ارکان نال ملݨ ویلھے آکھی۔ ملاقات وچ معاونِ خصوصی برائے امورِ نوجوانان عثمان ڈار، صوبائی وزیر تیمور خان بھٹی، راجہ ناصر علی خان مقپون اتے متعلقہ اعلی افسراں وی شرکت کیتی۔ وزیراعظم آکھے جو حکومت ملک وچ میرٹ دی بالادستی کوں یقینی ٻݨیندی پئی اے ، کامیابی دا رستہ جدوجہد دا رستہ اے، پاکستان اچ نینگراں دا تناسب ودھ ہووݨ ملک دی خوش قسمتی اے۔ نینگر سچ دا رستہ اپناون ۔ ایں موقعے تے معاونِ خصوصی عثمان ڈار کامیاب جوان پروگرام دے تحت نیشنل یوتھ کونسل اتے نینگراں کیتے اقدامات تے تفصیلی بریفنگ ڈتی ۔
