اسلام آباد۔4اکتوبر (اے پی پی):پی آئی اے کویت کیتے فلائٹ آپریشن ول شروع کرݙتے ۔ پی آئی اے دے ترجمان عبداللہ خان دی طرفوں سنوار کوں جاری بیان موجب پاکستانی جہازاں اتے پائلٹس تے کویت پابندی لا رکھی ہئی ۔ پابندی پاروں قومی ائیرلائن دیاں پروازاں کویت نہ ونڄ سڳدیاں ہن جݙاں جو کویتی ائیرلائن دیاں پروازاں پاکستان آندیاں پیاں ہن ۔ ترجمان آکھیے جو پی آئی اے دی طرفوں معاملہ پہلے سفارتی سطح تے چاتا ڳئے تے حکومت پاکستان اتے سول ایوی ایشن دے دباؤ تے پی آئی اے کوں وی کویت آپریشن دی اجازت مل ڳئی اے۔ پی آئی اے اپݨے آپریشن دا آغاز ہفتہ وار ݙو پروازاں توں کریندا پئے ۔
