شمالی وزیرستان اچ دہشت گرداں دے نال فائرنگ دے تبادلے اچ سیکورٹی اہلکار شہید تھی ڳئے ، آئی ایس پی آر

راولپنڈی۔4اکتوبر (اے پی پی):شمالی وزیرستان اچ دہشت گرداں سکیورٹی فورسز دی چوکی کوں نشانہ بݨائے ، فائرنگ دے تبادلے اچ ھک سکیورٹی اہلکار شہید تھی ڳئے ۔ پاک فوج دے شعبہ تعلقات عامہ (آئی ایس پی آر) دے مطابق دہشت گرداں شمالی وزیرستان اچ سکیورٹی فورسز دی چوکی کوں نشانہ بݨائے جیں دا سکیورٹی اہلکاراں وختی جواب ݙتا ۔ فائرنگ دے تبادلے دے دوران 30 سالہ سپاہی محمد عامر اقبال جام شہادت نوش کیتے۔ علاقے اچ موجود کہیں وی دہشت گرد دے خاتمے کیتے کلیئرنس آپریشن جاری اے۔