اسلام آباد۔4اکتوبر (اے پی پی):صدر پاکستان ڈاکٹر عارف علوی دی طرفوں میڈیا کوں بریسٹ کینسر متعلق آگاہی مہم دے حوالے نال خطے بھیجے ڳئن ۔ صدر مملکت میڈیا کوں آکھیے جو او تریمتاں اچ چھاتی دے کینسر بارے آگاہی پیدا کرݨ کیتے حکومت ے سول سوسائٹی دیاں کوششاں دا ساتھ ݙیوے تاں جو مکمل معلومات، جلد تشخیص اتے وختی علاج معالجہ دے ذریعے قیمتی انسانی جاناں کوں مہلک مرض داشکار تھیوݨ توں بچایا ونڄ سڳے ۔ صدر مملکت آکھیے جو پاکستان اچ تریمتاں اچ کینسر دے 44 فیصد کیسز چھاتی دے کینسر دے ہن، وختی تشخیص تھیوݨ توں مرض توں نجات پاوݨ دا امکان 98 فیصد اے۔ انہاں آکھیے جو معاشرے اچ ممنوع موضوع تھیوݨ پاروں تریمتاں مرض دی جلدی تشخیص نی کروا سڳدیاں ، جلدی تشخیص نہ ہووݨ پاروں چھاتی دے کینسر اچ مبتلا 50 فیصد تریمتاں جان توں ہتھ دھو ٻہندن ، صدر مملکت آکھیے جو تریمتاں کوں ہر ترائے مہینے اچ ھک واری آپݨا معائنہ خود کرݨ دی حوصلہ افزائی کرݨِی چاہییدی اے ، آگاہی نہ ہووݨ تے ول ڈاکٹر توں رجوع کرݨ اچ تاخیر جیہے عوامل چھاتی دے کینسر توں ودھ شرح اموات دا باعث ہن ۔
