اسلام آباد۔5اکتوبر (اے پی پی):وزیراعظم دےمعاون خصوصی سیاسی ابلاغ ڈاکٹر شہباز گِل آکھیے جو نااہل خوردبین دے ذریعے وزیر اعظم عمران خان دا ناں پینڈورا پیپرز اچ ڳولیندے ودن ، وزیراعظم عمران خان پنڈورا پیپرز دا خیر مقدم کرتے اپوزیشن دے بیانیے دا پول کھول ݙتے ۔ منڳل کوں مریم اورنگزیب دے بیان تے ردعمل اچ معاون خصوصی آکھیے جو نااہل خوردبین دے ذریعے عمران خان دا ناں پینڈورا پیپرز اچ ڳولیندے ودن ، ہر واری وانڳݨ ایں واری وی نااہل درباریاں کوں منہ دی کھاوݨی پوسی ، نااہل لیگی پہلے پاناما لیکس دے ذریعے بے نقاب تھئن ۔ ڈاکٹر شہباز گِل آکھیے جو قوم کوں وزیراعظم عمران خان دے ذریعے پتا چلیے جو میاں مفرور قوم کوں کیویں بط دردی نال لٹیے،
