اسلام آباد۔5اکتوبر(اے پی پی)وزیراعظم عمران خان آکھیے غریب ملکاں توں امیر ملکاں کوں پیسے دی غیر قانونی طور تے منتقلی کوں ہک وݙا مسلہ قرار ݙیندے زور ݙتے جو ایں سانڳے فیکٹ آئی دیاں سفارشات تے عمل کیتا ونڄے، کورونا وبا پاروں لاک ڈاون نال ترقی پذیر ممالک غیر متناسب طور تے متاثر تھین، ویکیسن بارے ونڄھ آلا رویہ مکاوݨا ہوسی، کرونا دے مکݨ تئیں ترقی پذیر ملکاں کیتے قرضاں اچ سہولت جاری رہݨی چاہیدی اے۔ ورلڈ لیڈرز سمٹ نال ورچوئل خطاب کریندے وزیراعظم عمران خان دا آکھݨ ہا جو میں ترقی پذیر ملکاں کیتے قرضاں اچ سہولت دی مہم چلائی ہئی، کورونا وبا پاروں لاک ڈاون لڳݨ نال ترقی پذیر ملک ٻہوں ودھ متاثر تھین، کرونا دی ویکیسن سانڳے وی وانڄھ دی پالیسی چھوڑݨی ہوسی، ترقی پذیر ملکاں کیتے قرض سہولت کورونا وبا پوری مکݨ تئیں جاری رہݨی چاہیدی اے۔ ماحولیاتی تبدیلی ابرے انہاں آکھیا جو ماحولیاتی تبدیلی نال گلیشئرز پگھرݨ تیکھے تھی ڳین، پاکستان ڄھیں ملک ماحولیاتی تبدیلی سانڳے امیر ملکاں دے مقابلے اچ ودھ غیر محفوظ ہین، امیر ممالک ماحول کیتے مالی طور تے ہتھ ونݙاون۔ وزیراعظم آکھیا جو رقوم دی غیر قانونی منتقلی نال غریب ملکاں دی کرنسی ݙھے ویندی اے، غربت ودھدی اے، مہانگ آندن، ایں مسلے کوں روکݨ دا ہکو حل ایہو اے جو فیکٹ آئی دی سفارشات تے عملدرآمد کیتا ونڄے جو اے ہک وفا مسلہ اے، ایں لٹ مار دی وجہ ترقی پذیر ملکاں دی بدعنوان اشرافیہ اے۔
