اسلام آباد۔7اکتوبر (اے پی پی) صدر مملکت ڈاکٹر عارف علوی آکھیا جو پاکستان برطانیہ نال آپݨے تعلقات کوں اعلیٰ ترجیح ݙیندے اتے آپسی دلچسپی دے فائدے دے سارے شعبیاں اچ ݙوپاسہ تعلقات کوں ودھاوݨ چاہندے۔ انہاں اے ڳالھیں خمیس کوں ایوان صدر اچ لارڈ واجد خان نال ملاقات اچ آکھی۔ صدر انہاں کوں پاکستان دی سمارٹ لاک ڈائون پالیسی بارے ݙسیا ۔ افغانستان دی صورتحال بارے ڳالھ مہاڑ کریندیں ہوئیں صدرمملکت آکھیا جو پاکستان افغانستان کوں انسانی امداد ݙتی اے اتے 12 ہزار توں ودھ افغان اتے غیر ملکی شہریاں دے انخلا اچ سہولت ݙتی اے۔ صدر عارف علوی لارڈ واجد کوں ہاؤس آف لارڈز تئیں ترقی ملݨ تے مبارخ ݙتی۔ لارڈ واجد خان پاکستان کوں کووڈ۔ 19 دی وبا نال کامیاب طریقے نال نبڑݨ تے مبارخ ݙتی۔
