اسلام آباد۔8اکتوبر (اے پی پی):امریکہ دی نائب سیکرٹری آف سٹیٹ وینڈی شرمن قومی سلامتی دے مشیر ڈاکٹر معید یوسف نال ملاقات کیتی ۔ پاک امریکہ وفد دی ملاقات اچ سانجھے امور اتے خطے اچ بدلدی صورتحال تے ڳال مہاڑ کیتی ڳئی اے ۔ ملاقات اچ معاشی تعاون ، تجارت، خطے دی سکیورٹی صورت حال اتے افغانستان تے ڳال مہاڑ کیتی ڳئی ،ملاقات خوشگوار ماحول اچ تھئی تے فریقین ݙوہیں ملکاں وچال ݙو پاسے تعلقات دی بہتری دی خواہش دا اظہار کیتے ۔ ایں موقع تے معید یوسف آکھیے جو عالمی برادری کوں افغانستان دی نویں عبوری حکومت نال ڳال کرݨ تے رابطے قائم رکھݨ دی لوڑھ اے ، انہاں آکھیے جو بھارتی غیر قانونی زیر تسلط کشمیر اچ بھارت دی انسانی حقوق دی خلاف ورزیاں خطے اچ امن کیتے خطرہ ہن ۔ امریکی وفد افغانستان توں انخلا اتے افغان مہاجرین دی مدد کرݨ تے پاکستان دے کردار دی تعریف کیتی ۔
